1 Samwelo 6:6 - Baibo Busansulushi Bwa Libuku Ili

⁶ Ino mutooyanda kubetaanshi beshicimpamya mbuli Falawo mwaami wa bene Ijipiti abantu bakwe? Sa tamwiingashite mbwaakabapensha kushikila basuminisha bene Isilaeli kuswa muijipiti akuya?

1 Samwelo 6:6 Referans Kwoze

Kulonga 14:17

Ntoolengesha ayi bene Ijipiti babe beshicimpamya cakwaamba ayi batoobanjilila mulweenge. Lyalo anebo ntooba abulemu kwiinda mukukoma mwaami wabo, bashilumamba bakwe, shikoci shankondo alimwi abeshikweensha.

Kulonga 8:15

Ono mwaami Falawo ndyaakabona ayi babombwe bafwa, wakaba shicimpamya alimwi. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.

Kulonga 7:13

Nacibi boobo mwaami Falawo wakatolelela kuba shicimpamya, alimwi kweelana abwakaamba Mwaami Lesa, wakakaka kunyumfwila Mose aAloni.

Kulonga 9:34

Ono mwaami Falawo ndyaakabona kukalooka, mabwe alimwi amfuula shamana, wakabisha alimwi. Lakwe alimwi abacinenenene bakwe bakatolelela cimpamya.

Bene Ebulu 3:13

Sombi cinene ncemweelete kucita nkuyumininshanya inshiku shoonse kwaamba ayi kutabi nabi womwi eshi abecekwe kwiinda mukubisha akuba shicimpamya, kulilabo liswi lya kwaamba ayi, “Sunu,” muMalembo akwe Lesa kalicitubikaako aswebo.

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Kulumbaisha 95:8

Mutabi beshicimpamya bweenka bwakacita bamashali banu bakulukulu kuMeliba, ee, bweenka mbobakacita abushiku bulya kuMasa muluyanga.

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Kulonga 14:23

Bene Ijipiti bakabakonkela amaaki abo oonse, shikoci shankondo alimwi abeshikweensha kushikila amulweenge.

Kulonga 10:3

Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.

Kulonga 9:16

Sombi kwaamba ayi muboneshe nkusu shangu alimwi ayi liina lyangu linyumfwike mucishi coonse ca panshi, ndamuleka ayi munoocili boomi.

Kulonga 8:32

Nacibi boobo mwaami wakacita cimpamya akubooshaawo kukasha bantu kuya.

Kulonga 4:21

Mwaami Lesa wakaambila Mose alimwi ayi, “Ono bulya mbootoboolela kuIjipiti, ulyeelete kucita pameenso a mwaami Falawo shaankamiko shoonse nshendakakubonesha. Sombi ndaakulengesha mwaami kuba shicimpamya akukaka kusuminisha bantu ayi baye.

Kulonga 7:14

Kuswawaawo Mwaami Lesa wakaambila Mose ayi, “Mwaami uyu ngushicimpamya alimwi utookasha bantu ayi baye.