1 Samwelo 30:6 - Baibo Busansulushi Bwa Libuku Ili

⁶ Defedi wakapenshekwa abuumbi mumoyo mukwiinga bashilumamba bakwe bakalinga kwaamba ayi batoomuuma mabwe. Womwi awomwi pakati kabo wakalinga kukalalite ceebo ca bana bakwe bakatolwa busha. Nakubi boobo Mwaami Lesa, Lesa wakwe wakamuyumyayumya.

1 Samwelo 30:6 Referans Kwoze

Kulumbaisha 56:11

Ndicinkite manungo muli Lesa cakubula boowa. Anu muntu ufwa inga wacitanshi kuli ndime.

Kulumbaisha 62:5

Omoyo wangu umunabo tontolo mukushoma kuli Lesa, mukwiinga kuli nguwe eenka nkokuswa lulangilo lwangu.

Kulumbaisha 18:6

Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.

Kulumbaisha 25:17

Ndicite mapensho aanji mumoyo wangu, amumfuune kuswa mumapensho aya oonse.

Bene Ebulu 13:6

Paceebo ceeco, katwaamba cakutaloonda ayi, “Mwaami Lesa ngomucafwi wangu, teshi nkaloondeewo. Ino muntu inga wancitanshi?”

Bene Loma 4:18

Abulaamu wakashoma akulangila nakubi kwaamba ayi cakalinga kuboneka anga teshi cikacitike. Aboobo wakaba mushali wa mishobo yoonse. Kweelana abwaamba Malembo akwe Lesa ayi, “Bamulunyungu lwako balaakufula mbuli nyenyeenshi.”

Kulumbaisha 116:10

Nabi ndindakaamba ayi, “Ndapeenga abuumbi,” ndakalinga kucicite lushomo.

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Kulonga 17:4

Mpeeke Mose wakapaila cakulilila Mwaami Lesa ayi, “Ino bantu aba ntoobacita buyani, mukwiinga balilibambite kunguma mabwe?”

Kulumbaisha 42:11

Ono nebo ceebonshi ntokuungumana bobulya? Ceebonshi ndapenga bobulya amoyo? Nebo anangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.

Kulumbaisha 27:14

Anu amucinke manungo muMwaami Lesa, amube alushomo cakutatyongola. Ee, amucinke manungo muMwaami Lesa.

2 Bene Kolinto 4:8

Tulapenshekwa munshila shiinji, sombi tatupwaiki. Cimwi ciindi tulatonsha, nakubi boobo tatutyongoli.

1 Samwelo 1:10

Aana wakatalika kupaila kuMwaami Lesa uku kaalila cakupenga abuumbi mumoyo.

Joni 8:59

Lyalo ingayi banyumfwe boobo bakabwesa mabwe ayi baume Jesu, sombi wakabayuba akuloboka kuswa muŊanda yakwe Lesa.

Shakubelenga 14:10

Mpeeke bantu boonse bakayeeya kucaya Joshuwa aKalebu kumabwe, sombi paciindi ceenka ico, bene Isilaeli bakabona bulemu bwa Mwaami Lesa paTente lya Cipangano.

2 Bene Kolinto 7:5

Ceebo nabi nditwakesa kuMakedoniya mibili yesu taikwe kookeshaawo, sombi twakalinga kupenshekwa mushiindi shoonse, kupikishanya abantu alimwi akulisukama mumyoyo.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Jobo 13:15

Nabi ayi Lesa utooncaya, ndanoocinkite manungo muli nguwe. Sombi ndaakutondesha pameenso akwe ayi nshicite mulandu mucikani cangu ici.

2 Bene Kolinto 1:6

Lyoonse nditupenga mwebo mulatambula lucafwo lwakukalika myoyo kwaamba ayi mukapulushikwe. Ono ndituyuminishikwa, nkwaamba ayi amwebo muyuminishikwe akuba ankusu shakwiinda mumapensho ayo ngotwiindaamo aswebo.

Bene Loma 4:20

Wakatolelela kushoma. Taakwe kutonsha paceeco Lesa ncaakamushomesha. Ncakwiila wakashoma cankusu akumulumbaisha.

Mateyo 27:22

Pilato wakabeepusha ayi, “Ino mucite buyani Jesu wiitwa ayi Usalitwe wakwe Lesa?” Boonse bakakumbula ayi, “Aapopwe pamucilingano!”

Mateyo 21:9

Mpeeke bantu abo bakalinga panembo lyakwe Jesu abaabo bakalinga pesule bakatalika koolobesha ayi, “Aalumbaishikwe mwanaakwe Defedi! Ulicite coolwe uyo utoosa muliina lyakwe Lesa! Aalumbaishikwe Lesa kwiculu lya maculu!”

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Kulumbaisha 62:1

Moyo wangu ulababo tontolo kulangila kuli Lesa, mukwiinga kuli nguwe eenka nkokuswa lupulusho lwangu.

Kulumbaisha 42:7

Buumba bwamfwekelesha anga ngamaaba a palweenge. Shimfulunganya ashalo shitoosa anga ngamaanshi atoompoomokela.

Boomboloshi 18:25

Lyalo bene Dani bakamwaambila ayi “Umuna, utabooshiiwo kwaamba alimwi, ceebo bantu aba batookalala. Aboobo webo abamuŋanda yako batoomucaya.”

Matalikilo 32:7

Jakobo wakaloonda akulisukama. Bantu mbwaakalingaabo wakabapansaanya mumakoto obilo pantu pomwi ambelele, mpongo, ŋombe alimwi angamela shakwe.

Kulumbaisha 42:5

Ono nebo ceebonshi ntokuungumana bobulya? Ceebonshi ndapenga bobulya amoyo? Nebo aanangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.

2 Samwelo 17:8

Mwebo mulibeshi baishiwanu abashilumamba babo mbobabete. Mbeshi nkondo alimwi mbakali anga ngubeya wabweselwa baana. Kuteshibo boobo bweenka, baishiwanu mbantu bacishi kulwana abuumbi, alimwi mashiku tabooni pantu pomwi abashilumamba babo.

2 Baami 4:27

Sombi ndyaakesa kuli Elisha, wakafukama akumucata kushimpanta. Geyasi wakalinga kusuni kumushindikaako, sombi Elisha wakaamba ayi, “Mulekebo mwiine. Sa toobwene ayi kuli camupensha abuumbi mumoyo? Ono Mwaami Lesa taaku ncaandwiita.”

1 Samwelo 23:16

Sombi Jonasani mwanaakwe Saulo wakaya kuli Defedi kuOleshi uko mukumuyumyayumya ayi Lesa ulanoomufuna.

Kulumbaisha 18:2

Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.

Kulumbaisha 31:24

Amuume myoyo palibwe akubula boowa, noonse nomulangila lucafwo kuswa kuli Lesa.

Kulumbaisha 71:4

NobaLesa amumfuune kubamucita shibi. Ncakwiila kubantu babiibi beshilunkutwe.

Kulumbaisha 71:5

Kulangila kwangu kuli muli ndimwe noBaami baLesa bangu Beshinkusu shoonse. Ndicinkite manungo muli ndimwe kuswabo kubwanike bwangu.

Jona 2:2

“NoBaami baLesa, mumapensho angu, ndakapaila kuli ndimwe alimwi mwakanyumfwa. Kuswa mwiine mumusena wa bafu ndakasenga lucafwo, alimwi mwakanyumfwa kusenga kwangu.

Boomboloshi 20:22

Lyalo bene Isilaeli bakaya mukulilila Mwaami Lesa kushika macolesha. Bakeepusha Mwaami Lesa ayi, “Sa tuboolele mukulwana bene Benjameni nakubi kwaamba ayi mbamakwabesu?” Mwaami Lesa wakabakumbula ayi, “Ee, kamuya mukabalwaane.” Mpeeke bene Isilaeli bakayuminishanya akubika bashilumamba babo alimwi kumusena weenka ngobakalingaako kataanshi.

1 Samwelo 28:15

Lyalo Samwelo wakeepusha Saulo ayi, “Ino wanyonganishilanshi mukumbusha?” Saulo wakakumbula ayi, “Ndi mumapensho anene abuumbi. Bene Filisiti batooyanda kundwana alakwe Lesa taabete anebo mukwiinga taatoonkumbulaawo kwiinda mubalaluki nabi mushiloto. Nceceeco ncendamwiitila kwaamba ayi mundwiite cakucita.”

Kulumbaisha 138:3

Ciindi ndindakamulilila, mwebo mwakankumbula. Mwakanjumya moyo akunkalika caamba.