1 Samwelo 3:9 - Baibo Busansulushi Bwa Libuku Ili

⁹ Mpeeke wakamwaambila ayi, “Boolelabo ukoone. Ono na aite alimwi, waambe ayi, ‘Amwaambe noBaami baLesa, ntoonyumfwa nemusebenshi wanu.’ ” Mpomunyaawo Samwelo wakaboolela waya woona.

1 Samwelo 3:9 Referans Kwoze

Kulonga 20:19

Lyalo bakaambila Mose ayi, “Twaambilebo webo weenka, tutoonyumfwa. Tutooloonda ayi na Lesa aambe aswebo, tutoofwa.”

Isaya 6:8

Mpeeke ndakanyumfwa liswi lya Mwaami Lesa kalyaamba ayi, “Anu ngani ngweshi ntume? Anu ngani weshi abe shinkombe wesu?” Nebo ndakakumbula ayi, “Mpoondi Nkambo, amuntuume!”

Kulumbaisha 85:8

Ndaakukutika kusheesho Mwaami Lesa nsheshi akaambe. Ulashomesha luumuno kuli ndiswe sobantu bakwe, kulilabo na twabula kuboolela kunshila shesu shabuluya.

Milimo ya Batumwi 9:6

Ono nyamuka uye mundabala iyi, mweshi uye ulwiitwe nsheweelete kucita.”

Danyelo 10:19

Kuswawaawo wakaŋambila ayi, “Cileke kuloonda. Webo ulalemekwa abuumbi pameenso akwe Lesa. Aboobo utalisukami nabi kuloonda cintu cili coonse.” Ndyaakaamba boobo ndakeendaawo kuyuma akwaamba ayi, “Nkambo amundwiitebo nshemweelete kwaamba ceebo mwanengesha kuba ankusu.”

1 Samwelo 3:8

Mwaami wakeeta Samwelo lyatatu. Wakabuka waya kuli Eli akwaamba ayi, “Ndime ngomwalinga kwiita, ndesa.” Lyalo Eli wakeshiba ayi nguMwaami Lesa wakalinga kwiita mwanike uyo.

1 Samwelo 3:10

Lyalo Mwaami Lesa wakesa weemikana palya akwiita bweenka mbuli pakataanshi ayi, “Samwelo! Samwelo!” Samwelo wakakumbula ayi, “Amwaambe noBaami baLesa, ntoonyumfwa nemusebenshi wanu.”

Joshuwa 5:14

Lakwe wakakumbula ayi, “Nshibete kulubasu lwanu nabi kulubasu lwa balwani banu, sombi nebo ndi mutanjilili wa bashilumamba ba Mwaami Lesa.” Lyalo Joshuwa wakafubama mukumulambila akumwiipusha ayi, “Nkambo, ino ngamaswinshi ngomwaletela ndime nemusebenshi wanu?”

Kulumbaisha 85:9

Ncakwiila Lesa ulilibambite kupulusha bantu bamulemeka, kwaamba ayi bulemu bwakwe bwikale mucishi cesu.