1 Samwelo 28:3 - Baibo Busansulushi Bwa Libuku Ili

³ Ono paciindi ico Samwelo wakalinga kufwite. Ndyaakafwa, bene Isilaeli boonse bakamulila akumubika muLama, ndabala ine mishaabo. Ico ciindi Saulo, beshikusonda abeshikwaamba amishimu kaali wakabatandaamo kale mucishi cakwe.

1 Samwelo 28:3 Referans Kwoze

1 Samwelo 25:1

Ono Samwelo wakafwa, mpeeke bene Isilaeli boonse bakabungana ayi bamuliile akumubika kumishaabo kuLama. Mpomunyaawo Defedi wakasena muluyanga lwa Palani.

Bene Lefi 20:27

“Musankwa uli woonse nabi mwanakashi waamba amishimu ya bafu ulyeelete kucaikwa kumabwe. Muntu woonse weenga wacita boobo, lufu lwakwe ndwakuliletela mwiine.”

Bene Lefi 19:31

“Tamweelete kuya mukucebusha kubantu baamba amishimu ya bafu. Na mwacita boobo, teshi mukanoosalalite kweelana aMilawo. Nebo ndime Mwaami Lesa, Lesa wanu.

Kulonga 22:18

“Mwanakashi muloshi uli woonse ulyeelete kucaikwa.

1 Samwelo 28:9

Mwanakashi wakamukumbula ayi, “Mwebo mulishi mwaami Saulo ncaakacita, mbuli mbwaakasukumya beshikusonda abaabo baamba amishimu. Ono nceebonshi mutooyanda kumbikila koose kwaamba ayi muncaishe?”

1 Samwelo 15:23

Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”

1 Samwelo 7:17

Lyalo ndyaakalinga kuya kumishaabo kuLama, uko akwalo nkwaakalinga kucite mulimo wa boomboloshi. Mwalo muLama wakayaka acipaililo mukulemeka Mwaami Lesa.

Bene Lefi 20:6

“Ono na umwi muntu waya mukucebusha kubantu baamba amishimu ya bafu, ndaakumufutatila, akucileka kumuyeeyela kuba muntu wangu.

Kulonga 22:17

Sombi na baishi mwanakashi bamukasha kweeba, ulyeelete kulipila baishi maali eelete pakweeba mwanakashi utana kukumanaawo kale amusankwa.