1 Samwelo 26:11 - Baibo Busansulushi Bwa Libuku Ili

¹¹ Nebo nshikwe, Mwaami Lesa atansuminishi kucaya mwaami ngwaakasala kwiinda mukunanikwa mafuta. Bwesabo lisumo akankuli kakwe ka maanshi pafwaafwi amutwi wakwe, mpeeke tunooya.”

1 Samwelo 26:11 Referans Kwoze

1 Samwelo 24:6

Wakaambila bashilumamba bakwe ayi, “Mwaami Lesa ansosoloshe kukucita cintu ca mushobo uyo kumwaami wangu, uyo mwiine ngwaakasala. Nteeleshi nabibo kumutyunka munwe ceebo kuba mwaami wakacita kusalwa aMwaami Lesa kwiinda mukunanikwa mafuta.”

1 Samwelo 24:12

Ncibotu, Mwaami Lesa oomboloshe pakati kanu anebo. Alimwi Mwaami Lesa aabooshe cishole pashilubo nshemwacita pali ndime, nakubi boobo nebo teshi nkamutyunkeewo nabibo munwe.

2 Samwelo 1:16

Defedi wakalinga wamwaambila kale ayi, “Ulu lufu waliletela omwiine. Walipa mulandu omwiine ndiwalyaambilila ayi wakacaya mwaami uyo Mwaami Lesa ngwaakasala kwiinda mukunanikwa mafuta.”

2 Samwelo 1:14

Defedi wakamwiipusha alimwi ayi, “Ino webo cakuyumya moyo kwaamba ayi ucaye mwaami wakasalwa aMwaami Lesa nciinshi?”

Bene Loma 12:17

Muntu na wakubishisha, webo tooelete kumubishisha. Sombi amweeleshe kucita shibotu shisuminisha bantu boonse.

Bene Loma 12:19

Nobamakwesu bubi tabeelanishi, sombi mwebo amulekelebo Lesa woombolosha akupa mulandu. Kweelana abwaamba Malembo akwe Lesa ayi, “Amubaleeke ndime mboosha shishole, ndaakubapa milandu abalo, mbwaamba Mwaami Lesa.”

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.

1 Samwelo 24:4

Mpomunyaawo Defedi bashilumamba bakamulwiita ayi, “Ici nceciindi cako cilya Mwaami Lesa ncaakaamba ndyaakaamba ayi, ‘Ndaakwaaba mulwani wako mumaansaako kwaamba ayi ukamucite cili coonse nceshi ukasune.’ ” Mpeeke Defedi wakamubendelela akutimbula cakufwala cakwe Saulo ca Peculu kulikonko.

1 Samwelo 12:3

Ono mpoondi pano. Na kuli cilubo ncendakacita amunshinine pameenso aMwaami Lesa amwaami ngwaasala. Sa ndakabwesaawo kale ŋombe nabi mbongolo ya muntu umwi uli woonse? Sa kuli ngondakacenjeekawo kale nabi kupensha? Sa ndakatambulawo kale makulo kumuntu uli woonse? Na pasheeshi shoonse kuli ncendakacitaawo, ntoolipila ico ncendakabwesa.”

2 Samwelo 19:22

Sombi Defedi wakakumbula ayi, “Mwebo nobana bakwe Seluiya tamubeteko lubasu kumakani aya. Ndime ndaba mwaami wa Isilaeli sunu alimwi taaku mwine Isilaeli eshi acaikwe sunu.”

Kulumbaisha 17:4

Nshaambi shibiibi bucita bamwi, sombi ndakonkela milawo yanu mukulitalamusha kunshila shibiibi sha bamusembela kulwana.