1 Samwelo 22:8 - Baibo Busansulushi Bwa Libuku Ili

⁸ Sa te nceceeco noonse ncemwangalookilila? Amubone taaku wakandwiita ayi mwanaangu musankwa wapanga cipangano amwanaakwe Jese ulya. Taakuuwo pakati kanu umbikiteko maano nabi wakandwiitawo ayi mwanaangu wayunga Defedi musebenshi wangu ayi ancaaye. Bulya utoolangoolabo ciindi cakwaamba ayi ancaileewo.”

1 Samwelo 22:8 Referans Kwoze

1 Samwelo 18:3

Ono Jonasani wakapangaakwe cipangano cakuba shicibusa wakwe wa lyoonse mukwiinga wakamusuna bweenka mbwaakalinga kulisuni mwiine.

1 Samwelo 23:21

Saulo wakakumbula ayi, “Mwaami Lesa amupe coolwe ceebo ca nkumbu shanu pali ndime.

Jobo 33:16

Cimwi ciindi ulaamba kabalinyumfwila amatwi abo akubalengesha kuba aboowa ceebo cakucenjesha kwakwe.

1 Samwelo 20:42

Jonasani wakaambila Defedi ayi, “Koya muluumuno, ceebo twakashomeshanya kuba beshicibusa muliina lya Mwaami Lesa, nditwakaamba ayi, ‘Mwaami Lesa ngokamboni pakati kangu awebo, pakati ka bamulunyungu lwangu abaako lyoonse.’ ” Lyalo Defedi wakanyamuka waya, alakwe Jonasani wakaboolela kundabala.

1 Samwelo 20:8

Ndaseenga ukancaafwe munshila iyo kweelana webo mbooli mucipangano ca bushicibusa anebo nemusebenshi wako pameenso aMwaami Lesa. Sombi na kuli nceembishite, ncibotu webo weenka kuncaya kwiinda kungaba mumaansa abaiso ayi bancaaye.”

1 Samwelo 20:2

Jonasani wakakumbula ayi, “Teshi bakucayeewo sobwe! Bona, bata taaku ncibacita kabatana kundwiita. Ino ici calo inga banshisa buyani? Nebo ndaakaka makani ayo!”

1 Samwelo 22:13

Saulo wakamwiipusha ayi, “Ino webo aDefedi mutoomfwiminashi? Ceebonshi wakamupa cimaande, mupeeni wakalinga wakwe Golyati alimwi akumwiipushisha kuMwaami Lesa? Ono toobwene wangalookila, bulya utooyandoolabo ciindi cakuncailaawo.”

1 Samwelo 18:1

Saulo wakamanisha kubandika aDefedi. Kuswawaawo Jonasani mwanaakwe Saulo wakanyumfwana aDefedi akumusuna bweenka mbwaakalinga kulisuni mwiine.

2 Baami 6:11

Mwaami wa bene Silya wakakalala abuumbi pacikani ici. Wakeeta bamatanjilili ba bashilumamba akubeepusha ayi, “Anu ngani muli ndimwe uli kulubasu lwa mwaami wa bene Isilaeli?”