1 Samwelo 2:4 - Baibo Busansulushi Bwa Libuku Ili

⁴ Mata a bashilumamba bashimpite atyokooka, sombi balefukite mbobaba beshinkusu.

1 Samwelo 2:4 Referans Kwoze

Kulumbaisha 76:3

Nkomunya uko wakatyoloola mifwi inyaka mulilo, mayawo alimwi amipeeni, ncakwiila ashakulwanisha nkondo shoonse.

Kulumbaisha 37:15

Ono mipeeni yabo ilaakumana kubacaya beene, aalo mata abo alaakumana kutyoloolwa.

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Kulumbaisha 46:9

Ulamana nkondo mucishi ca panshi coonse. Ulatyoloola mata akunyonyoola masumo, alimwi ulatenta mayawo mumulilo.

Bene Ebulu 11:34

bakashimya mililo yakalinga kunyaka abuumbi, bakapulushikwa kukucaikwa amipeeni. Nakubi kwaamba ayi tebakalinga kucite nkusu, bakabaasho. Bakaba bashilumamba bayumu abuumbi, akukoma bashilumamba ba mushishi sha baswamashi.

2 Bene Kolinto 12:9

Sombi wakankumbula ayi, “Luse lwangu lulikwene pali ndiwe, ceebo nkusu shangu shilaboneka bunene na koolefukite.” Ono nanoolilumbaisha cakukondwa ceebo cakulefuka kwangu kwaamba ayi nkusu shakwe Klistu shibe pali ndime.

Kulumbaisha 37:17

Mukwiinga Mwaami Lesa ulaakuuma bamucita shibi mumanungo ayi bamane nkusu, sombi baluleme ulabeemikanina akubafuninina.

Jelemiya 37:10

Ncakwiila nabi mukakome likoto lyoonse lya bashilumamba bene Babiloni akushiyawobo balicisite mumatente, beenka abo balaakwisa mukutenta ndabala inene ino cakumaninina.’ ”

Isaya 10:4

Ncakwiila mulaakucaikwa munkondo nabi kutolwa busha. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Bene Efeso 6:14

Aboobo amuyume, mufwaale lushinisho anga ngulaamba mubukome. Amufwale bululami anga ncakufwala ca ceela pacaamba.

Bene Ebulu 11:32

Sa noociya cibandookabo ashimwi? Nshicite ciindi cakulemba sha pacikani cakwe Gidyoni, Balaki, Samusoni, Jefuta, Defedi, Samwelo alimwi abalaluki bakulukulu.

Kulumbaisha 18:39

Mwakampa nkusu shakulwana munkondo akunengesha kukoma balwani bangu.

Kulumbaisha 46:10

Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”

Isaya 40:29

Lakwe ngoopa nkusu kubabo bakopoka, alimwi ngoofushisha nkusu abo balefukite.

Jelemiya 51:56

Shikunyonyoola ulaakulwana Babiloni. Bashilumamba bene Babiloni balaakucatwa amata abo alaakutyoloolwa. Ceebo nebo neMwaami Lesa ndi Lesa uboosha cishole. Ncakwiila ndaakuboosha cishole kweelana ambobakacita.