1 Samwelo 2:1 - Baibo Busansulushi Bwa Libuku Ili

¹ Mpeeke Aana wakapaila ayi, “Mwaami Lesa wansangalasha abuumbi, Ndikondetwe abuumbi ceebo ca ceeco ncaacita! Balwani bangu ntoobaseka. Ndisangalete abuumbi ceebo Lesa wancafwa!

1 Samwelo 2:1 Referans Kwoze

Kulumbaisha 13:5

Ono nebo ndicinkite manungo mulusuno lwanu lutamaani. Moyo wangu ulaakusangalala mukwiinga mulaakumfuna.

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

Kulumbaisha 92:10

Sombi nebo mwanjuumya anga ninyati, mwananika mafuta abotu mukumpa bulemu.

Kulumbaisha 89:17

Ndimwe mutupa bulemu ankusu, Munkumbu shanu tulaba ankusu lyoonsebo.

Bene Filipi 4:4

Amusangalale muMwaami lyoonse alimwi ndaamba ayi, amusangalale!

Kulumbaisha 20:5

Tulaakoolobesha cakukondwa bushiku mbweshi mukakome. Muliina lyakwe Lesa wesu tulaakutambika mbembela shesu mwiculu kusekelela kukoma. Mwaami Lesa aakumbule kusenga kwanu koonse.

Kulumbaisha 9:14

kwaamba ayi nkeemikane pameenso abene Jelusalemu akubalwiita shintu shoonse nshemulumbaishishaawo. Nebo ndaakusangalala mukwiinga mwebo mwakampulusha.

Kulumbaisha 35:9

Lyalo ndaakusangalala ceebo ca Mwaami Lesa, kusangalala mukwiinga mwampulusha.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Bene Loma 5:11

Sombi teshi ceeci ceenka, tulasangalala muli Lesa ceebo Mwaami wesu Jesu Klistu wakalengesha ayi alimwi tube beshicibusa bakwe Lesa.

Abakuku 3:18

ndaakusekelela muMwaami Lesa, ndushinisho ndaakusangalala muli Lesa, Mupulushi wangu.

Kulumbaisha 118:14

Mwaami Lesa ngoompa nkusu alimwi ndamwiimbila, mukwiinga ngomupulushi wangu.

Kulumbaisha 89:24

Ndaakunoomusuni cakushomeka. Ndaakumupa nkusu shakunookoma lyoonsebo.

Kulonga 15:21

Milyamu wakatalika kubeembila ayi, “Amwiimbile Mwaami Lesa mukwiinga wakoma cabulemu. Wawaala maaki alimwi abalinga kutantiteewo mulweenge.”

Kulonga 15:1

Lyalo Mose alimwi abene Isilaeli boonse bakeembila Mwaami Lesa lwiimbo ulu, “Ntokwiimbila Mwaami Lesa mukwiinga wakoma cabulemu. Wawaala maaki alimwi abalinga kutantiteewo mulweenge.

1 Pita 1:8

Ono nabi tamukwe kumubonawo kale, mulimusuni. Mulamushoma nakubi kwaamba ayi tamumubooni. Aboobo mulasekelela abuumbi cakubula amaswi eenga asansulula kusangalala uko,

Kulumbaisha 51:15

NoBaami baLesa, amuncaafwe ayi ŋambe, lyalo mulomo wangu ulaakumulumbaisha.

Kulumbaisha 18:2

Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.

Abakuku 3:1

Uyu ngumupailo wangu neAbakuku kwiinda mumukumo wa Shigiyonoti.

Kulumbaisha 75:10

Nkusu sha bamucita shibi ulaakushikoma. Sombi nkusu sha baluleme shilaakufushikwa.

Kulumbaisha 71:8

Mumulomo wangu muliswitebo shakumulumbaisha. Ndapisha lisuba kwaamba shabulemu bwanu.

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Luka 1:69

Watupa Mupulushi ucite nkusu kuswa mulunyungu lwakwe Defedi musebenshi wakwe.

Neyemiya 11:17

Mataniya mwanaakwe Mika mwishikulu wakwe Sabudi. Sabudi wakalinga mwanaakwe Asafu uyo wakalinga kutanjilila likoto lya beshikwiimba abo bakalinga kwiimba lwiimbo lwakulumba Lesa. Bakibukiya uyo wakalinga mucafwi kuli Mataniya. Abuda mwanaakwe Shamuwa, mwishikulu wakwe Galalu. Galalu wakalinga mwanaakwe Jedutuni.

Dutolonomi 33:17

Josefu ulicite nkusu anga ngumucende alimwi ameeca ali anga nga nyaati. Meeca akwe mbamulunyungu lwakwe Manase abo bali shuulu ashuulu, abamulunyungu lwakwe Efuleemu abo bali shuulu likumi. Meeca aya ulayasishaako mishobo imwi akubashindikila kweela cishi ca panshi.”

Jobo 16:15

“Ntoolila akufwala masaka kutondesha buumba. Ndatondesha kulibombya kwiinda mukwikala mulusuko.

Kulumbaisha 148:14

Wakasumpula bantu bakwe mukubapa nkusu ayi bantu bakwe boonse basalalite, ee, bene Isilaeli abo mbwaasuni bamulumbaishe. Amulumbaishe Mwaami Lesa!

1 Samwelo 1:6

Penina nabukashinyina wakalinga kumuseka akumulensha nsoni ceebo Mwaami Lesa wakeemika lushalo lwakwe.

1 Samwelo 1:7

Cikani ici cakatolelela mwaaka amwaaka. Kulilabo na baya kuŊanda ya Mwaami Lesa, Penina wakalinga kupensha Aana cakwaamba ayi wakalinga kunoolilabo akukaka kulya cili coonse.

2 Makani 20:27

Jeoshafati wakatanjilila bashilumamba bakwe kuboolela kuJelusalemu kabasangalete mukwiinga Mwaami Lesa wakakoma balwani babo.

Kulumbaisha 21:2

Mwakamupa ncaakalinga kulila mumoyo wakwe. Ncakwiila tamukwe kukaka kucita ceeco ncaakasenga.

Kulumbaisha 89:18

NoBaami baLesa liyawo lyesu lilaswa kuli ndimwe. Mwaami wesu ulaswa kuUsalalite wa bene Isilaeli.