1 Samwelo 19:7 - Baibo Busansulushi Bwa Libuku Ili

⁷ Lyalo Jonasani wakeeta Defedi akumulwiita mubandi woonse. Wakamuboosha kuli Saulo, mpeeke lakwe wakekalaakwe akumusebensela bweenka mbuli kataanshi.

1 Samwelo 19:7 Referans Kwoze

1 Samwelo 18:13

Mpeeke Saulo wakakusha Defedi muliimfwa lyakwe kwiinda mukumulengesha kuba mutanjilili wa bashilumamba bali cuulu. Defedi wakatanjilila bashilumamba bakwe kuya kunkondo.

1 Samwelo 18:2

Kuswa bushiku ubo Saulo wakalama Defedi cakutamuleka kuboola kuli baishi alimwi.

1 Samwelo 16:21

Defedi wakashika kuli Saulo akutalika kumusebensela. Saulo wakalinga kusuni Defedi abuumbi, lyalo wakamupa mulimo wakuba shikumunyamwita shakulwanisha.

1 Samwelo 18:10

Bushiku bwakaboolaawo muya ubiibi wakatumwa aMwaami Lesa wakesa cankusu pali Saulo. Mpeeke kaayabookabo muŋanda yakwe anga ngushincinko, alakwe Defedi kaamulishila kalumbu kweelana ambwaakalinga kucita lyoonse. Ono Saulo wakalinga kucite alisumo mulyaansa.

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

1 Makani 11:2

Kalekale, Saulo kaacili mwaami wesu, ndimwe mwakalinga kutanjilila bashilumamba ba bene Isilaeli kuya kunkondo. Paciindi ico Mwaami Lesa wakamulwiita ayi, ‘Ulaakutanjilila bantu bangu bene Isilaeli akuba mwaami wabo.’ ”

Kulonga 4:10

Sombi Mose wakaamba ayi, “NoBaami baLesa nebo kuswabo kalekale nshaambiwo kabotu, alimwi ampomwatalikila kwaamba anebo, poonse nshintokwaambawo kabotu. Ndacelwa kuposha shikani alimwi ndicite kamaama.”

Matalikilo 31:2

Alimwi wakabona kwaamba ayi Labani wakatalika kumushinamina ubo buteshi mbwaakalinga pakataanshi,

1 Samwelo 19:6

Mwaami Saulo wakanyumfwa cakaamba Jonasani akushomesha cakulumbila ayi, “Bweenka mbocibete lushinisho ayi Mwaami Lesa ngumuumi, anebo Defedi teshi nkamucayeewo.”

1 Samwelo 19:8

Ono nkoondo pakati ka bene Isilaeli abene Filisiti yakatalika alimwi. Lyalo Defedi wakaya mukulwanaabo. Wakabacaya cipa bunyengele cakwaamba ayi bamwi bakoondomokaako lubilo kuboowa.