1 Samwelo 19:5 - Baibo Busansulushi Bwa Libuku Ili

⁵ Mubone ndyaakacaya mwine Filisiti ulya, pakalinga alufu lwaakwe mwiine. Ono Mwaami Lesa wakalengesha bene Isilaeli kukoma munshila ikankamika. Mwebo nobeene ndimwakabona kukoma uko mwakasangalala abuumbi. Ono nceebonshi mutooyanda kubisha kwiinda mukucaya Defedi utacite mulandu?”

1 Samwelo 19:5 Referans Kwoze

1 Makani 11:14

Mpeeke lakwe abashilumamba bakwe bakeemikana pakati ka muunda uyo akulwana bene Filisiti. Mwaami Lesa wakamulengesha kukoma cikankamika.

1 Samwelo 11:13

Sombi Saulo wakaamba ayi, “Sobwe! Taakuuwo eshi acaikwe sunu, mukwiinga buno mbobushiku Mwaami Lesa mbwaafuna bene Isilaeli.”

Mateyo 27:4

akubaambila ayi, “Ndakabisha kwaaba muntu utacite mulandu.” Balo bakamukumbula ayi, “Ono tucite buyani swebo? Ngamakani ako omwiine ayo!”

1 Samwelo 20:32

Mpomunyaawo Jonasani wakeepusha baishi ayi, “Ino ulyeelete kucailwanshi? Anu wakacitanshi?”

Boomboloshi 9:17

Amwiibaluke kwaamba ayi bata bakamulwanina. Bakabika buumi bwabo mumaansaabo kwaamba ayi bafune ndimwe kubene Midyani.

Milimo ya Batumwi 20:24

Nshicitaaco mulandu nabi ndafwa, cinene nkumanisha mulimo wangu uyo ngwaakampa Mwaami Jesu, wakushimikila Makani Abotu aamba paluse lwakwe Lesa.

Kulumbaisha 119:109

Nakubi kwaamba ayi buumi bwangu buleendela mumaansa lyoonse, nebo nshilubiiwo milawo yanu napaceyi.

1 Samwelo 28:21

Mwanakashi uyo ndyaakesa pakalinga Saulo akubona ayi waloonda abuumbi, wakamwaambila ayi, “Amubone nebo nemusebenshi wanu ndamunyumfwila. Ndanyamuna buumi bwangu mumaansa akucita kweelana ambomwaamba.

Bene Filipi 2:30

Wakaboolelabo pakalindi ceebo ca milimo yakwe Klistu. Wakaaba buumi bwakwe kwaamba ayi ancaafwe musheesho nshemwatakalinga kukonsha kuncafwa.

Joni 15:25

Ishi shakacitika kweelana ambokulembetwe muMilawo yabo ayi, ‘Bakampatabo pataapu ceebo.’

Mateyo 27:24

Ono Pilato ndyaakabona ayi taaku nceshi cicitike, alimwi ayi inga paakuba shimfulunganya, wakabwesa maanshi akusamba kumaansa pameenso a bantu boonse akwaamba ayi, “Nebo nshicite mulandu palufu lwa muntu uyu! Ngumulandu wanu nobeene!”

Jelemiya 26:15

Sombi ncemweelete kwishiba ncakwaamba ayi na muncaaye, ingayi mutooliletela mulandu wakucaya muntu utacite mulandu akuuleta pandabala ino apabantu bekalaamo. Ceebo kwaambabo lushinisho, Mwaami Lesa ngowantuma ayi nse ŋambe maswi aya oonse kamunyumfwite.”

Kulumbaisha 69:4

Abo bampatitebo kutaaku ncendakacita mbaanji kwiinda misusu yangu. Balwani bangu mbeshinkusu batooyanda kuncaya, balaamba shakubeca pali ndime mukundwana. Bakankakatisha kuboosha shintu nshentakwe kwiipa.

1 Samwelo 14:45

Sombi bashilumamba bakaambila Saulo ayi, “Jonasani inga wafwa buyani? Jonasani ngowalengesha ayi bene Isilaeli bakome munshila ikankamanisha. Sobwe! Mbuli Mwaami Lesa mbwaali muumi, taaku mususu nabi womwi weshi ulokele panshi kuswa mumutwi wakwe Jonasani. Mukwiinga ico ncaacita sunu cacitwa kwiinda mukucafwikwa aLesa.” Munshila iyo bantu abo bakafuna Jonasani ayi atacaikwi.

Boomboloshi 12:3

Ono ndindakabona ayi mwakaaka, ndakabika buumi mumaansaangu akusubuka mukulwana abene Amoni. Mwaami Lesa wakancafwa aboobo ndakabakoma. Ono ceebonshi mwesa sunu ayi mundwaane?”

Bene Ebulu 2:3

Ino swebo tulaakupuluka buyani na tatutoonyumfwila makani a lupulusho lunene bobulya? Mwaami Jesu mwiine ngowakataanguna kwaamba shalupulusho ulu, abalo abo bakamunyumfwa bakatulwiitilisha ayi ngalushinisho.

Kulonga 14:13

Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.

Kulumbaisha 25:3

Taaku muntu ulangila kucafwikwa kuswa kuli ndimwe weshi akalenshekwe nsoni. Sombi abo bafwambaana kwaalookila Mwaami Lesa ndushinisho balaakulenshekwa nsoni.

1 Samwelo 19:6

Mwaami Saulo wakanyumfwa cakaamba Jonasani akushomesha cakulumbila ayi, “Bweenka mbocibete lushinisho ayi Mwaami Lesa ngumuumi, anebo Defedi teshi nkamucayeewo.”

1 Samwelo 22:14

Aimeleki pakumukumbula wakeepusha ayi, “Ngani pakati ka basebenshi banu umunyumfwila mbuli Defedi mukwe wa kubwalo? Sa te ngumutanjilili wa bashilumamba bamulindilila, ulemekwa kubamuŋanda yanu yoonse?

2 Samwelo 23:10

Sombi lakwe wakeemikana akulwana bene Filisiti abo, wabacaya kushikila lyaansa lyakwe lyacatwa cifwe cakwaalilwa kuleka mupeeni. Bushiku ubo Mwaami Lesa wakalengesha bene Isilaeli kukoma cikankamika. Lyalo bashilumamba bakaboola kwakalinga Eliyasa akusaala baabo bakacaikwa.

Kulumbaisha 94:21

Balacatana kwaamba ayi babishe baluleme, akupingula ayi batacite milandu bacaikwe.

1 Makani 11:18

Mpomunyaawo bashilumamba bakalinga kupukite botatwe abo bakaya bapalanganya beshikushinkila bene Filisiti. Lyalo bakateka maanshi kufwaafwi amwinjililo wa ndabala ya Betileemu akwaatola kuli nguwe. Nakubi boobo Defedi taakwe kwaanwa, sombi wakaatila panshi mukulemeka Mwaami Lesa.

Kulumbaisha 109:5

Balambooshela bubi pabubotu mbombacitila, alimwi balambooshela lupato palusuno ndoombatondesha.