1 Samwelo 18:4 - Baibo Busansulushi Bwa Libuku Ili

⁴ Mpeeke Jonasani wakafuula cakufwala cakwe ca peculu ncaakalinga kufwete akupa Defedi. Wakamupa ashakufwala sha nkondo shakwe, mupeeni, buta pantu pomwi alaamba.

1 Samwelo 18:4 Referans Kwoze

Matalikilo 41:42

Mwaami wakafuula ninga yakalinga kucite keshibilo ka bwaami akufwalika Josefu kumunwe. Wakamufwalika cakufwala ca peculu cibotu alimwi akancetani kaniini ka golodi munshingo.

Luka 15:22

Sombi baishi bakaambila basebenshi babo ayi, ‘Amufwambaane! Amulete cakufwala cibotu afwale. Mumufwalike ninga kumunwe ansapato.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

1 Samwelo 17:38

Mpeeke Saulo wakafwalika Defedi shakufwala shakwe shankondo. Wakamufwalika cakufwala ca peculu ca nkondo acimpompo ca bulonse kumutwi.

1 Samwelo 18:5

Ono Defedi wakalinga kucita cintu cili coonse cakamutuma Saulo cakuswitilila. Aboobo Saulo wakamulengesha kuba mutanjilili wa mulikoto lya bashilumamba bakwe. Cikani ico bantu boonse pantu pomwi abamatanjilili bamwi boonse bakwe Saulo bakakondwa.

2 Samwelo 1:22

Buta bwakwe Jonasani bwalinga kununka lufu, amupeeni wakwe Saulo tewalinga kucite nkumbu, shalinga kooneka basankwa beshinkusu, shalinga kucaya balwani baanji.

Esekelo 23:15

kabafwete amikopo mumakome abo ashisani shakufwala kumitwi shibotu. Boonse bakalinga kuboneka anga mbamatanjilili ba bashilumamba beshikulwanina pamaaki ba kucishi ca Babiloni.