1 Samwelo 16:12 - Baibo Busansulushi Bwa Libuku Ili

¹² Mpomunyaawo wakatumaako muntu, mpeeke alakwe wakesaakwe. Mwanike uyo wakalinga kucite ciwa cibotu, mubili ubotu abuumbi alimwi wakalinga kwiimfwi kabotu. Mpomunyaawo Mwaami Lesa wakaambila Samwelo ayi, “Ngowooyu! Nyamuka umunanike mafuta a bwaami.”

1 Samwelo 16:12 Referans Kwoze

Malilo 4:7

Banaamwaami babo bakalinga tuu anga ninkobokobo, ncakwiila kutuba kwiinda mukupa. Ayalo mibili yabo yakalinga ibotu kwiinda mabwe amakwebo eetwa ayi lubi. Ndushinisho bakalinga kuboneka anga ngamabwe eetwa ayi Safaya.

Lwiimbo lwakwe Solomoni 5:10

Usunikwi wangu ngumubotu alimwi ngumuyumu. Pashuulu shili likumi sha bantu, ba mushobo uyo palacanikabo womwi.

Milimo ya Batumwi 7:20

Ico nceciindi Mose ncaakashalilwaamo. Wakalinga mwaana mubotu abuumbi, mpeeke banyina bakamulela myeenshi yotatwe.

Milimo ya Batumwi 4:27

Ndushinisho Elodi aPontyasi Pilato bakabungana mundabala inene ino, pantu pomwi abaswamashi bakunsengwe alimwi abene Isilaeli, ayi babukile Jesu, Musebenshi wanu usalalite, uyo ngomwakalengesha ayi abe Usalitwe wanu.

1 Samwelo 17:42

Mwine Filisiti uyo ndyaakalanga akucana kwaamba ayi nguDefedi, mwanike mubotu ciwa alimwi wiimfwi kabotu, wakamunyansha.

1 Samwelo 9:17

Samwelo ndyaakabonabo Saulo, Mwaami Lesa wakamwaambila ayi, “Ngowooyu musankwa ngondakakulwiitaawo. Ulaakweendelesha bantu bangu.”

Matalikilo 39:6

Potifa wakabika shoonse mumaansaakwe Josefu alimwi taaku ncaakalinga kubikaako maano kulekabo cakulya ncaakalinga kweelete kulya mwiine. Josefu wakalinga kwiimfwi kabotu alimwi wakalinga kuboneka kabotu abuumbi kuciwa.

Bene Ebulu 11:23

Ndushomo lwakalengesha ayi bashali bakwe Mose bamushiise kwamyeenshi yotatwe ndyaakashalwabo mukwiinga bakabona ayi wakalinga mwaana mubotu abuumbi. Aboobo tabakwe kuloonda kusotoka mulawo wa mwaami.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulumbaisha 2:2

Bamaami babo balabukamo lwampeta, baleli babo balalibungabunga ayi balwane Mwaami Lesa alimwi aUsalitwe wakwe.

Kulonga 2:2

uyo wakamushalila mwaana musankwa. Ono mwanakashi uyo ndyaakabona ayi mwaana ngumubotu abuumbi, wakamushisa kwamyeenshi yotatwe.

1 Samwelo 17:55

Mwaami Saulo ndyaakabona Defedi utooya mukulwana mwine Filisiti uyo, wakeepusha Abina mutanjilili wa bashilumamba ba bene Isilaeli ayi, “Abina, anu ngumwanaakwe ni cikula bwangu ulya?” Abina wakakumbula ayi, “Mbweeke mbocibete lushinisho ayi muli boomi nobaami, nshishiiwo.”

2 Samwelo 7:8

“Ono ulwiite Defedi musebenshi wangu alimwi ayi, ‘Mwaami Lesa Shinkusu shoonse waamba ayi ndakakukusha kumafulo, ee, kubweembeshi bwa mbelele, kwaamba ayi ube muleli wa bantu bangu bene Isilaeli.

2 Samwelo 23:1

Ono aya ngamaswi akweelaako akwe Defedi. Ngamaswi abulaluki akwe Defedi mwanaakwe Jese, maswi a muntu wakasumpulwa kuMwaami Lesa Wiindaawo, musankwa uyo Lesa wakwe Jakobo ngwaakasala kuba mwaami. Ncakwiila uyo shikwiimba nyimbo shibotu wa bene Isilaeli.

1 Baami 1:34

Lyalo uko Sadoki alimwi aNatani baye bananike Solomoni mafuta ayi abe mwaami wa bene Isilaeli. Kuswawaawo balishe lupeenga akoolobesha ayi ‘Eekale ciindi cilaamfu mwaami Solomoni!’

Kulumbaisha 78:70

Wakasala Defedi musebenshi wakwe. Wakamukusha mubweembeshi bwa mbelele.

Sekaliya 4:14

Mpeeke wakaamba ayi, “Aba mbobantu bobilo abo Mwaami Lesa wa cishi ca panshi coonse mbwaakasala akunanika mafuta ayi bakanoomusebensela.”

1 Samwelo 16:18

Mpeeke womwi pakati ka basebenshi wakakumbula ayi, “Ndibweneewo mwaana musankwa wakwe Jese mwine Betileemu ucishi kulisha kabotu kalumbu. Ngumusankwa utacite boowa, shilumamba mubotu, ucishi kubandika alimwi uboneka kabotu abuumbi. Mwaami Lesa uli anguwe.”