1 Samwelo 13:13 - Baibo Busansulushi Bwa Libuku Ili

¹³ Samwelo wakamwaambila ayi, “Waciita cintu cabuluya. Tookwe kukonkela mulawo wakakupa Mwaami Lesa wako. Niwacita boobo, naakwiinga Mwaami Lesa wabika bweendeleshi bwa bene Isilaeli mumaansaako abamulunyungu lwako kwamuyayaya.

1 Samwelo 13:13 Referans Kwoze

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.

2 Makani 16:9

Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

1 Samwelo 15:28

Lyalo Samwelo wakamwaambila ayi, “Mwaami Lesa wakwamuna buleelo bwa cishi ca Isilaeli kuswa kuli ndiwe sunu. Wabupa womwi pakati ka beshikamukobonyoko, weelete kwiinda ndiwe.

1 Samwelo 15:11

“Ndanyumfwa nsoni kwaamba ayi ndakalengesha Saulo kuba mwaami, mukwiinga wanfutatila alimwi taakwe kucita mbondakamulwiita.” Lyalo Samwelo wakapenshekwa amoyo akulilila Mwaami Lesa mashiku oonse.

1 Baami 21:20

Lyalo Aabu ndyaakabona Elija wakaamba ayi, “Sa te wancanikisha kale omulwani wangu?” Elija wakakumbula ayi, “Ee, ndamucana, mwebo nomucilibengetebo kukucita shintu shibiibi pameenso a Mwaami Lesa.

1 Baami 18:18

Lyalo Elija wakakumbula ayi, “Nshiciti shifulunganya nebo, mwebo ndimwe abamuŋanda ya baishiwanu. Mutookaka kunyumfwila milasho ya Mwaami Lesa akunoolambila shibumbwabumbwa shakwe Baali.

Tushimpi 19:3

Muntu ulalinyonyoosha kubuluya bwakwe mwiine, sombi moyo wakwe ulakalalila Mwaami Lesa.

Jobo 34:18

Lesa ngowaambila bamaami ayi, ‘Taaku mbomubete,’ akwaambila bacinenenene ayi, ‘Muli bamucita shibi.’

2 Makani 19:2

Mpeeke Jewu mulaluki mwanaakwe Anani, wakaya mukukumanya mwaami akumwaambila ayi, “Sa mutooyeeya ayi cililuleme kucafwa bamucita shibi akulwana kulubasu lwa bantu bapatite Mwaami Lesa? Ici ncemwacita calengesha bukali bwa Mwaami Lesa kwisa pali ndimwe.

1 Samwelo 1:22

Nakubi boobo Aana lakwe mulweendo ulu taakwe kuyaako. Mpeeke wakalwiita ibaye ayi, “Ndaakumuleshabo mwaana uyu, ndaakumutola kuŊanda ya Mwaami Lesa akumubenga kuli nguwe. Ulaakunokala kooko lyoonsebo.”

1 Samwelo 13:12

Aboobo ndayeeya ayi bene Filisiti batoosa bandwaane kuno kuGilugala alimwi nshina kusenga nkumbu kuMwaami Lesa. Lyalo ndaboona ayi ndyeelete kubenga mulambu wakutenta.”

1 Samwelo 16:1

Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”

2 Samwelo 24:10

Pesule bantu ndibakamana kubelengwa, Defedi wakapenshekwa mumoyo abuumbi. Lyalo wakapaila kuMwaami Lesa ayi, “Ndabiisha abuumbi kucita cintu ici. Ono noBaami baLesa ndaseenga kwaamba ayi mulekelele cibiibi cangu nebo nemusebenshi wanu, mukwiinga ndaciita cintu cabuluya.”

1 Makani 10:13

Saulo wakafwa mukwiinga taakalinga kushomeka kuMwaami Lesa. Taakwe kukonkela milawo ya Mwaami Lesa. Wakeelesha kucana lucafwo kwiinda mukucebusha kuwooyo waamba amishimu ya bafu

Isaya 39:5

Mpomunyaawo Isaya wakalwiita mwaami ayi, “Mwaami Lesa Shinkusu shoonse waamba ayi,

Jelemiya 18:10

sombi pesule bwalo bwatalika kunoocita shibiibi mumeenso angu akutanyumfwila, teshi nkacite shintu shibotu nshendakaamba kucita kuli mbubo.

Matalikilo 31:28

Tookwe kumpa aciindi kwaamba ayi ndashe bashikulu bangu abana bangu calusuno. Tookwe kucitawo cintu ca maano!

1 Samwelo 26:21

Mpomunyaawo Saulo wakaamba ayi, “Ndabiisha. Boola Defedi omwanaangu. Teshi nkakuyeeyelewo kukucisa alimwi, mukwiinga walinga kweelete kuncaya mashiku ainda, sombi wandekelela. Ncakwiila ndacita mbuli muntu muluya alimwi ndalubya abuumbi.”

Tushimpi 12:8

Na muntu ulicite busongo, bantu balamulumbaisha, sombi na muntu taacite maano, bantu balamusebaanya.