1 Samwelo 12:5 - Baibo Busansulushi Bwa Libuku Ili

⁵ Lyalo Samwelo wakabaambila ayi, “Mwaami Lesa amwaami ngwaakasala baba bakamboni sunu kwaamba ayi mwasumina ayi nshicite mulandu napaceyuubo.” Abalo bakaamba ayi, “Ee, Mwaami Lesa ngukamboni wesu.”

1 Samwelo 12:5 Referans Kwoze

Milimo ya Batumwi 24:20

Nabi baaba bali waano inga bamulwiita na kuli mulandu ngobakancanina ndibakaŋombolosha beshinkuta babo.

Milimo ya Batumwi 23:9

Lyalo ciyobeyobe cakakomena. Mpeeke bafundishi ba Milawo abo bakalinga kulubasu lwa baFalisi bakanyamuka akupikisha cankusu ayi, “Taaku cintu cibiibi nabi comwi ncetwacana mumuntu uyu! Mpashi ngumushimu nabi munjelo ngowakamulwiita shakwaamba.”

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

1 Bene Kolinto 4:4

Mumiyeeyo yangu taaku ncentooyeeya ayi ndakabisha. Nakubi boobo ici tacaambi ayi nshicite mulandu. Mwaami Lesa ngooŋombolosha.

Milimo ya Batumwi 24:16

Paceebo ceeco, ndeelesha lyoonse kwikala buumi bubotu pameenso akwe Lesa alimwi abantu.

Joni 18:38

Pilato wakeepusha alimwi ayi, “Anu lushinisho ulo ndootokwaamba nciinshi?” Ndyaakamana kwaamba boobo, Pilato wakaswita pansengwe mukulwiita bamaloba ba baJuda ayi, “Taaku mulandu ngondacanina muntu uyu.

Kulumbaisha 17:3

Mulishi moyo wangu mboobete ceebo mulaupensoola mashiku. Nakubi kwaamba ayi mwalangoola apa apapalya taaku cilubo ncemuncanina. Ee, mulomo wangu toobishi mukwaamba napaceyi.

Jobo 42:7

Ono Mwaami Lesa ndyaakamanishabo kwaambila Jobo, wakaambila Elifasi mwine Temani ayi, “Ndakalala abuumbi pali ndiwe ababyo bobilo ceebo mwebo tamukwe kwaamba makani a lushinisho pali ndime mbuli bwakacita musebenshi wangu Jobo.

1 Samwelo 26:9

Defedi wakaambila Abishayi ayi, “Utamucaayi! Taakuuwo weenga wacisa mwaami wakasalwa aMwaami Lesa kwiinda mukunanikwa weenga wabula kuba amulandu.”

1 Samwelo 12:4

Bantu bakakumbula ayi, “Tamukwe kutucenjeekaawo nabi kutupensha, alimwi taaku ngomwakabweselaawo cintu.”

Matalikilo 31:50

Labani wakatolelela akwaamba ayi, “Na ukalele bana bangu aba calunkutwe, nabi kweeba abamwi banakashi, nakubi kwaamba ayi ndabula kwiishiba mbowacita, ibaluka ayi Lesa ulitubwene.

Jobo 16:19

Kwiculu ndishi kwaamba ayi nkwaali kamboni wangu, ee, shikunjimikaninaako nkwaali uko.