1 Samwelo 1:8 - Baibo Busansulushi Bwa Libuku Ili

⁸ Elikana ibaye, wakalinga kwiipusha ayi, “Aana utoolilanshi? Ceebonshi tootekulya? Anu utookuungumaninanshi lyoonse? Sa nebo kuba ibayo taciindi kushala baana basankwa bali likumi?”

1 Samwelo 1:8 Referans Kwoze

Lute 4:15

Mulokashi wako ulikusuni alimwi wakacita shintu shiinda kuba abaana basankwa bali bosanwe abobilo. Ono ngooyu wakushalila amushikulu musankwa, uyu weshi akalete buumi bupya kuli ndiwe alimwi weshi akakulaame waakucembela.”

Isaya 54:6

Mwebo nobene Isilaeli, Mwaami Lesa ulaakumwiita alimwi. Mwebo muli anga ngumwanakashi wakalinga washiikwa alimwi mubuumba bunene, ee, mwanakashi wakeebwa kaacilibo mwanike sombi wakakwa akushiikwa.” Lesa wanu waamba.

Jobo 6:14

“Ciindi ca mapensho ambuli aya, kulayandika babyo bashomeka nakubi kwaamba ayi muntu uyo wacileka kuloonda Shinkusu shoonse.

1 Bene Tesalonika 5:14

Twamusenga alimwi nobamakwesu, ayi mucenjeshe batolo. Amuyumyeyumye beshiboowa, mucafwe balefukite alimwi bantu boonse kamubakalikila myoyo.

Joni 20:15

Jesu wakeepusha Maliya ayi, “Owalutundu, ino utoolilanshi? Ngani ngotoolangoola?” Maliya wakayeeya ayi ngushikulama muunda. Aboobo wakamwaambila ayi, “Mwebo ta, na ndimwe mwabakushaamo, amundwiite nkomwabatola kwaamba ayi nkababwese.”

Joni 20:13

Mpomunyaawo bakamwiipusha ayi, “Owalutundu, ino utoolilanshi?” Lakwe wakakumbula ayi, “Bantu bakusha Baami bangu mucuumbwe alimwi nshishi nkobabatola.”

Kulumbaisha 43:4

Lyalo ndaakuya kucipaililo canu nobaLesa, nobaLesa mwebo nomunengesha kusangalala. Ncakwiila ndaakumulumbaisha kwiinda mukwiimba akalumbu nobaLesa, baLesa bangu.

Isaya 54:1

Ono Mwaami Lesa waamba ayi, “Olobesha cakusangalala webo Jelusalemu ee, webo ooli anga ngumwanakashi ŋumba. Imba nyimbo akoolobesha cakukondwa webo nootana kunyumfwawo mwaana mbwaanyona. Ceebo baana ba mwanakashi wakashiiyikwa kuli ibaye mbaanji kwiinda ba wooyo uli aibaye.

2 Baami 8:12

Asayelo wakeepusha ayi, “Ino nkambo mutoolilanshi?” Elisha wakakumbula ayi, “Mukwiinga ndishi shintu shiyoosha nsheshi ukacite kubene Isilaeli. Ulaakutenta misena yabo icite malinga, kucaya basankwa bacikula bwangu kumipeeni, kupwaya bana babo bakateta panshi akupasoola banakashi bacite mafumo.”

1 Samwelo 1:7

Cikani ici cakatolelela mwaaka amwaaka. Kulilabo na baya kuŊanda ya Mwaami Lesa, Penina wakalinga kupensha Aana cakwaamba ayi wakalinga kunoolilabo akukaka kulya cili coonse.