1 Samwelo 1:27 - Baibo Busansulushi Bwa Libuku Ili

²⁷ Ndakasenga mwaana uyu kuswa kuMwaami Lesa. Mpeeke wakakumbula kusenga kwangu.

1 Samwelo 1:27 Referans Kwoze

1 Joni 5:15

Tulishi kwaamba ayi ulanyumfwa shoonse nshetumusenga, aboobo tulishi ayi ulatupa shoonse nsheenga twamusenga.

Kulumbaisha 118:5

Ndindakalinga mumapensho ndakapaila kuMwaami Lesa. Alakwe wakankumbula akuŋangulula kuswa mumapensho.

Mateyo 7:7

“Amusenge mulaakupekwa, amulangoole mulaakucana alimwi mukonkoonshe mulaakucalwitwa.

Kulumbaisha 6:9

Ee, Mwaami Lesa ulakutika kulila kwangu kwakusenga lucafwo. Ncakwiila ulaakunyumfwa kusenga kwangu.

1 Samwelo 2:20

Mpeeke Eli wakalinga kupa coolwe Elikana aAana, akwaambila Elikana ayi, “Mwaami Lesa aakupe baana baambi kwiinda mumwanakashi uyu Aana, kwaamba ayi babwese musena wa wooyu ngowakabenga mumaansaakwe.” Na bamanisha bakalinga kuboolela kumishaabo.

Shakubelenga 6:8

Anu kulilabo kaali muNasili, ulaakunoolibo mumaansa a Mwaami Lesa.

1 Makani 4:10

Jabesi wakapaila kuli Lesa wa bene Isilaeli ayi, “NobaLesa, amumpe coolwe cakuba acishi cinene. Amube anebo akuntabilila kuswa kushintu sheenga shancisa kwaamba ayi ntakanyumfwiwo kucisa.” Lyalo Lesa wakamupa isho shoonse nshaakasenga.

Kulumbaisha 120:1

Ndalilila Mwaami Lesa mumapensho angu, ncakwiila alakwe ulancafwa.