1 Samwelo 1:21 - Baibo Busansulushi Bwa Libuku Ili

²¹ Ciindi cakashikila alimwi cakwaamba ayi Elikana abamuŋanda yakwe baye kuShilo mukubenga mulambu kuMwaami Lesa wa pamwaaka amulambu umwi upanseene uyo ngwaakashomesha.

1 Samwelo 1:21 Referans Kwoze

1 Samwelo 1:3

Ono mwaaka amwaaka Elikana wakalinga kuya kuShilo mukulambila Mwaami Lesa Shinkusu shoonse akubenga milambu. Ofini aFineyasi, bana bakwe Eli, mbobakalinga bapailishi ba Mwaami Lesa uko.

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

Kulumbaisha 101:2

Ndaakukonkela nshila shitacite kampenda. Ino mwebo mulaakwisa lili kuli ndime? Ndaakwikala muŋanda yangu kaantacite kampenda,

Matalikilo 18:19

Ndamusala kwaamba ayi aambile bana bakwe abamulunyungu lwakwe ayi banyumfwile akucita shiluleme. Mukucita boobo, ndaakumucitila shoonse nshindakamulasha.”

1 Samwelo 2:19

Mwaaka amwaaka banyina bakalinga kumutungila kamungaanjo akumutolela pakuya abeebaabo kuShilo mukubenga mulambu wa pamwaaka.

Dutolonomi 12:6

Kumusena uyo weenka nkweshi mukanoopeta milambu yakutenta amilambu imwibo, pantu pomwi acalikumi, shipo nshemushomesha cakulumbila kupa Mwaami Lesa, cipo cakulyaaba alimwi abaana bakwiiya ba ŋombe ambelele.