1 Samwelo 1:19 - Baibo Busansulushi Bwa Libuku Ili

¹⁹ Macuunsacuunsa bushiku bwakaboolaawo, Elikana abamuŋanda yakwe bakabuka. Lyalo ndibakamana kulambila Mwaami Lesa, bakaboolela kuLama. Elikana wakakumana aAana mukaakwe. Mpeeke Mwaami Lesa wakakumbula mupailo wakwe Aana.

1 Samwelo 1:19 Referans Kwoze

Matalikilo 21:1

Mwaami Lesa wakapa coolwe Saala kweelana ambwaakalinga walasha.

1 Samwelo 1:11

Mpeeke wakashomesha cakulumbila ayi, “NoBaami baLesa Beshinkusu shoonse, amumboone nemusebenshi wanu! Amulangishishe mapensho angu akunyumfwila nkumbu! Mutamfutatili! Na mwampa mwaana musankwa, ndashomesha ayi ndaakumupa kuli ndimwe kwa buumi bwakwe boonse alimwi ayi teshi akaceseewo misusu yakwe.”

Matalikilo 30:22

Mpomunyaawo Lesa wakeebaluka Lakelo akukumbula mupailo wakwe. Mpeeke wakamulengesha kukonsha kuba abaana.

Matalikilo 4:1

Ono Adamu wakakumana aEfa mukaakwe, aboobo wakamita. Wakatumbuka mwaana musankwa. Mpeeke Efa wakaamba ayi, “Ndaba amwaana musankwa kwiinda munkusu shakwe Lesa.” Lyalo wakamupa liina ayi Kaini.

Luka 23:42

Mpeeke wakaamba ayi, “BaJesu, mukanjibaluke mwaakwisa muBweene bwanu.”

Maako 1:35

Bushiku bwakaboolaawo kumuyamaca, Jesu wakabuka akuswa muŋanda. Lyalo wakaswa mundabala akuya kumusena kwatakalinga kwikala bantu uko nkwaakaya mukupailila.

Kulumbaisha 119:147

Ndabuka kumuyamaca ayi musenge lucafwo. Ncakwiila kulangila kwangu kuli mumaswi anu.

Kulumbaisha 55:17

Macolesha, macuunsa amalumwi eene, ndoolobesha kuli nguwe mubuumba bwangu, alakwe ulanyumfwa liswi lyangu.

Kulumbaisha 25:7

Shibiibi shangu sha kubwanike mutakashiibaluki, nshila shangu sha bwaashu mutakashiibaluki. Munjibaluke mulusuno lwanu nobeene, mukwiinga mwebo NoBaami baLesa muli kabotu.

1 Samwelo 9:26

Mpeeke wakoona apo. Kumuyamaca Samwelo wakoolobesha kuli Saulo paciluli ayi, “Buka, nkushindikile.” Saulo wakabuka. Lyalo lakwe aSamwelo bakaya kumukwakwa.

Matalikilo 8:1

Lesa taakalinga kumulubiteeko Nowa abanyama mbwaakalingaabo mubwaato. Aboobo wakalengesha muuwo kupuupa amaanshi kuya ciyuma.

Kulumbaisha 136:23

Wakatuyeeya nditwakalinga twakomwa, ee, mukwiinga lusuno lwakwe ndwamuyayaya.

Kulumbaisha 5:3

Macuunsa mulanyumfwa liswi lyangu, pakuswa lisuba ndapaila kuli ndimwe akulindilila ayi munkumbule.

1 Samwelo 2:11

Lyalo Elikana wakaboolela kuLama kumishaabo. Sombi Samwelo musankwa mwanike wakacaala kuShilo, kaasebensela Mwaami Lesa mubutanjilili bwakwe Eli mupailishi.

1 Samwelo 1:1

Kwakalinga musankwa wa mumukowa wakwe Efuleemu wakalinga kwiitwa ayi Elikana. Wakalinga kwikala mundabala ya Lama, mucishi ca tulundu ca Efuleemu. Elikana wakalinga mwanaakwe Jeloamu alimwi mwishikulu wakwe Eliyu mwanaakwe Towu mucipani cakwe Sufu.

1 Samwelo 7:17

Lyalo ndyaakalinga kuya kumishaabo kuLama, uko akwalo nkwaakalinga kucite mulimo wa boomboloshi. Mwalo muLama wakayaka acipaililo mukulemeka Mwaami Lesa.

Joshuwa 18:25

Kwakalinga amandabala amwi anene, mbuli Gibyoni, Lama, Biloti,

1 Samwelo 8:4

Mpeeke bamaloba ba bene Isilaeli bakabungana, baya kuli Samwelo muLama

1 Samwelo 15:34

Lyalo Samwelo wakanyamuka kuya kuLama, sombi Saulo wakaya kuŋanda yakwe muGibiya.

1 Samwelo 16:13

Aboobo Samwelo wakabwesa lwiica lwa mafuta ayo akumunanika ayi abe mwaami pameenso a bamakwabo basankwa. Kuswa bushiku ubo Mushimu wa Mwaami Lesa wakaselukila Defedi cankusu. Lyalo Samwelo wakaboolela kuLama.

1 Samwelo 19:18

Paciindi ico Defedi wakasakana akuya kuli Samwelo kuLama. Mpeeke wakaluula kuli Samwelo shoonse mwaami Saulo nshaakacita kuli nguwe. Lyalo lakwe aSamwelo bakaya kuNaiyoti akwikala uko.

1 Samwelo 25:1

Ono Samwelo wakafwa, mpeeke bene Isilaeli boonse bakabungana ayi bamuliile akumubika kumishaabo kuLama. Mpomunyaawo Defedi wakasena muluyanga lwa Palani.

2 Baami 4:17

Sombi bweenka bwakaamba Elisha, mwanakashi uyo wakamita akutumbuka mwaana musankwa paciindi ceenka ico mumwaaka wakaboolaawo.