1 Samwelo 1:10 - Baibo Busansulushi Bwa Libuku Ili

¹⁰ Aana wakatalika kupaila kuMwaami Lesa uku kaalila cakupenga abuumbi mumoyo.

1 Samwelo 1:10 Referans Kwoze

Jobo 7:11

“Paceebo ceeco inga nshicileeki kwaamba, sobwe. Ndanokwaambabo ceebo moyo wangu wacisa, ee, ndanootongooka ceebo ca bukali buli mumoyo wangu.

Luka 22:44

Ceebo cakupenshekwa bunene mumoyo, wakapaila cankusu kwiinda pakutaanguna. Lyalo nkasaalo yakwe yakalinga anga njimindoondo ya bulowa itoolokela panshi.]

Jobo 10:1

“Buumi bwangu ndabucimwa, cakwaamba ayi ndanootongooka abuumbi. Ndanokwaambabo ceebo cakucisa kwa moyo wangu.

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

Isaya 54:6

Mwebo nobene Isilaeli, Mwaami Lesa ulaakumwiita alimwi. Mwebo muli anga ngumwanakashi wakalinga washiikwa alimwi mubuumba bunene, ee, mwanakashi wakeebwa kaacilibo mwanike sombi wakakwa akushiikwa.” Lesa wanu waamba.

Boomboloshi 21:2

Mpeeke bene Isilaeli bakaboolela kuBetelo akwikala kunembo lya Mwaami Lesa kushika macolesha kabalila cakooloma alimwi cabuumba bunene.

Malilo 3:15

Wasusha mubili wangu abucisa bulula akunshimbilisha ndulwe.

Jelemiya 22:10

Mutanoolila mwaami Josiya wakafwa kale. Kuteelesha kulila ayi wakanyonyooka. Sombi amulilile Jeoyasi uyo wakatolwa mucishi ca busha ceebo lakwe teshi akaboolelewo kumishaabo nabi kubona tubili cishi cine mishaabo.

Isaya 38:15

Ono nebo inga ndaambanshi? Mwaami Lesa mwiine waamba anebo alimwi ngwaacita bobulya. Anu nebo ndanokweenda cakulibombya kwabuumi bwangu boonse ceebo ca mapensho aya ali mumoyo wangu.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Jobo 9:18

Ncakwiila tanshiiliwo musena, sobwe, sombi ulamfushisha mapensho ciindi coonse.

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

Lute 1:20

Lakwe wakakumbula ayi, “Mutanjiti ayi Naomi. Kamunjita ayi Mala ceebo Mwaami Lesa Shinkusu walengesha buumi bwangu kubica.

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

2 Samwelo 13:36

Lyalo ingayi amanebo kwaamba boobo abalo beene nkupola akutalika kulila cakooloma. Alakwe mwaami pantu pomwi abasebenshi bakwe boonse bakalila abuumbi.

Matalikilo 50:10

Ndyebakashika palubansa lwakulupwitaawo paAtadi kwicwe lya Joodani, bakalilisha kwa ciindi cilaamfu, alimwi Josefu wakaba acililo kwanshiku shosanwe ashobilo uko.

2 Samwelo 17:8

Mwebo mulibeshi baishiwanu abashilumamba babo mbobabete. Mbeshi nkondo alimwi mbakali anga ngubeya wabweselwa baana. Kuteshibo boobo bweenka, baishiwanu mbantu bacishi kulwana abuumbi, alimwi mashiku tabooni pantu pomwi abashilumamba babo.

1 Samwelo 1:9

Ono bushiku bumwi kuShilo ndibakamanisha kulya, Aana wakanyamuka kuya mukupaila. Eli mupailishi wakalinga kushiite pacuuna mumulyango wa Ŋanda yakwe Lesa.

1 Samwelo 1:11

Mpeeke wakashomesha cakulumbila ayi, “NoBaami baLesa Beshinkusu shoonse, amumboone nemusebenshi wanu! Amulangishishe mapensho angu akunyumfwila nkumbu! Mutamfutatili! Na mwampa mwaana musankwa, ndashomesha ayi ndaakumupa kuli ndimwe kwa buumi bwakwe boonse alimwi ayi teshi akaceseewo misusu yakwe.”

Tushimpi 14:10

Taaku umwi weenga wanyumfwa buumba buli mumoyo wa mubye nabi weenga wanyumfwa kusangalala kwakwe.

Matalikilo 30:1

Sombi Lakelo taakwe kushalila Jakobo mwaana, paceebo ceeco wakafwita munyono mukwabo akwaambila Jakobo ayi, “Mpe baana, kwabula boobo ntoofwa.”