1 Pita 4:9 - Baibo Busansulushi Bwa Libuku Ili

⁹ Pakufwakashilana mumaandaanu amutambulane cakutatongooka.

1 Pita 4:9 Referans Kwoze

Bene Ebulu 13:2

Mutaluubi kutambula kabotu beensu mumaandaanu. Nkobali bamwi bakatambula beensu, sombi kabateshi ayi mbaanjelo bakwe Lesa.

Bene Loma 12:13

Kamupawo bene Klistunyinaanu shintu shiyandika kuli mbabo, alimwi akutambula beensu camaansa obilo mumaandaanu.

Bene Filipi 2:14

Amucite shintu shoonse cakutatongooka alimwi akupikishanya.

Bene Ebulu 13:16

Mutaluubi kucita shibotu alimwi akucafwana ceebo iyi njemilambu isangalasha Lesa.

Taitasi 1:8

Ulyeelete kuba muntu utambula beensu alimwi uyanda kucita shibotu, ulitibuka, ululeme, usalalite alimwi ulilama.

1 Timoti 3:2

Mutanjilili ulyeelete kuba muntu utacite kampenda, weebetebo mwanakashi womwi, ulibika mpaaelete, ulitibuka, ulemekwa, shikutambula beensu, ukonsha kwiisha bantu.

Jemusi 5:9

Nobamakwesu, mutanootongookana kwaamba ayi Lesa atakamoomboloshi. Moomboloshi ulibo pafwaafwi kuboneka.

2 Bene Kolinto 9:7

Womwi awomwi ulyeelete kupa kweelana amoyo mbowayanda, kuteshi myoyo yobilo nabi kukakatishikwa ceebo Lesa ulisuni bantu bapa cakusangalala.

Filimoni 1:14

Nakubi boobo nshisuni kukukakatisha ayi uncaafwe, sombi ndisuni kwaamba ayi ulisuminine omwiine.

Bene Loma 16:23

Gayasi, mwine ŋanda iyo njeentookalaamo alimwi mubunganina coonde, wamwaansha noonse. Alakwe Elasitasi uyo ulama maali a mundabala inene alimwi amukwabesu Kwatasi, bamwaansha. [

Matalikilo 24:19

Ndyaakamanisha kunwa Labeka wakaamba ayi, “Angamela shanu ntooshiletela maanshi, shinwe, shikute.”