1 Pita 1:8 - Baibo Busansulushi Bwa Libuku Ili

⁸ Ono nabi tamukwe kumubonawo kale, mulimusuni. Mulamushoma nakubi kwaamba ayi tamumubooni. Aboobo mulasekelela abuumbi cakubula amaswi eenga asansulula kusangalala uko,

1 Pita 1:8 Referans Kwoze

Joni 20:29

Jesu wakamwiipusha ayi, “Sa washooma ceebo wamboona? Balicite coolwe abo bashoma kabatana kubona.”

2 Bene Kolinto 5:7

Ceebo cinene mubuumi bwesu buno nkushoma, kuteshi kubona.

Bene Loma 15:13

Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.

Bene Ebulu 11:1

Kushoma nkutatonsha munshintu nshetutoolangila alimwi akushinisha ayi shintu nshetutaboni nkoshili cancinencine.

Joni 16:22

Amwebo mbweeke ubo, bulya mulyuungumene mumyoyo. Sombi ndaakumubona alimwi, lyalo mulaakusangalala abuumbi. Kusangalala uko, taaku muntu eshi akakukusheewo pali ndimwe.

2 Bene Kolinto 4:18

Mukwiinga tatwiililwi shintu shiboneka, sombi isho shitaboneki. Ceebo shiboneka shilekalabo ciindi ciniini, sombi shitaboneki shilekala muyayaya.

1 Pita 1:6

Ono amusangalale pashintu ishi shoonse, nakubi kwaamba ayi cilayandika kuungumana kwa ciindi ciniini ceebo ca masunko apusenepusene ngomutokwiindaamo,

Bene Ebulu 11:27

Ndushomo lwakalengesha ayi Mose aswe muIjipiti, cakutaloonda bukali bwa mwaami. Cakalingabo anga wakabona Lesa utaboneki, akumulengesha ayi atabooli pesule.

1 Pita 2:7

Kuli ndimwe nomushoma, libwe ili lilayandika abuumbi. Sombi kuli baabo batashomi, Lesa wakaamba ayi, “Libwe bayaki ndibakakaka, lyakaba ndyelibwe liyandika lya mulikonko lya ŋanda.”

Bene Filipi 4:4

Amusangalale muMwaami lyoonse alimwi ndaamba ayi, amusangalale!

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

Bene Efeso 6:24

Alimwi luse luswa kuli Lesa lube abaabo boonse basuni Mwaami wesu Jesu Klistu alusuno lutamaani.

Bene Filipi 1:25

Apa nshintootonsha, ndicishi kwaamba ayi ndanoocili muumi akwikala andimwe noonse kwaamba ayi lushomo lwanu lukomene akumusangalasha.

Bene Loma 14:17

Bweene bwakwe Lesa mubuumi bwesu teshi bwakulya akunwa, sombi mbwabululami, luumuno alimwi akusangalala kuswa muMushimu Usalashi.

Joni 14:24

Sombi uyo woonse utansuni taakonkeli kwiisha kwangu. Aya maswi ngomutoonyumfwa teeshi angu nemwiine, alaswa kuli baTa abo bakantuma.

Joni 8:42

Jesu wakabaambila ayi, “Lesa naalinga Ishiwanu naakwiinga kamunsuni mukwiinga ndakesa kokuno kuswa kuli Lesa. Nshikwe kwisabo mukusuna kwangu, sombi nguLesa wakantuma.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

2 Bene Kolinto 12:4

Kumusena uko wakanyumfwa shintu isho muntu nshaatakonshi kusansulula alimwi nshaatakwe kusuminishikwa kwaamba.

2 Bene Kolinto 9:15

Atulumbe Lesa ceebo ca cipo ncaakatupa, ico nceenga tatukoonshi kusansulula.

2 Bene Kolinto 1:22

wakatubika cishibilo cakwe, akutupa Mushimu Usalashi mumyoyo yesu kwaamba ayi ube anga ncecisumina mulandu ca shintu sheshi shikese.

Milimo ya Batumwi 16:34

Mpomunyaawo wakabwesa Paulo aSailasi wabatola muŋanda yakwe akubapa cakulya. Lakwe abamuŋanda yakwe bakasangalala abuumbi mukwiinga ono bakashoma muli Lesa.

Joni 14:21

Uyo usumina milawo yangu akucita mboyaamba, ngowooyo unsuni. Uyo usuni ndime, abalo baTa balaakumusuna, anebo ndaakumusuna akuliyubulula kuli nguwe.”

Joni 14:15

“Na mulinsuni, munanoolama milawo yangu.

Mateyo 10:37

“Uyo woonse usuni baishi nabi banyina kwiinda ndime, taaelete kuba shikwiiya wangu. Uyo woonse usuni mwanaakwe musankwa nabi mwanakashi kwiinda ndime, taaelete kuba waangu.

Lwiimbo lwakwe Solomoni 5:16

Mulomo wakwe ulicite mise kuufyonta, ncakwiila shoonse shili pali nguwe shilankonda abuumbi. Anu usunikwi wangu, ee, mweensuma mbwaabete ubo nobanakashi ba kuJelusalemu.

1 Bene Kolinto 16:22

Na kuli muntu utasuni Mwaami Jesu, aashinganishikwe! Malanata! Nkokwaamba ayi, “NoBaami besu, kamwisa!”

Lwiimbo lwakwe Solomoni 5:9

Omwanakashi wiinda bamwi boonse kubota, ino usunikwi wako uyo uleenda buyani bamwi boonse kubota cakwaamba ayi tukushomeshe boobo?

Lwiimbo lwakwe Solomoni 1:7

Oosunikwi wangu, ndwiite nkoweembelela mbelele shako alimwi ankoshicitila mulela lisuba ndyeliba pakati ka mutwi. Nciinshi nceenga ndabeta anga ngwalutundu mufuule ulifweka kumeenso, mukuya cikulangoola pakati ka beembeshi bamwi boonse?

Bene Efeso 3:19

Amwishibe mulusuno lwakwe Klistu, lwiinda pamaano oonse a bantu kwaamba ayi Lesa ekale muli ndimwe cancinencine.