1 Pita 1:13 - Baibo Busansulushi Bwa Libuku Ili

¹³ Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.

1 Pita 1:13 Referans Kwoze

1 Pita 5:8

Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!

Luka 12:35

“Kamulibambite kusebensa alimwi malampi anu kaanyaka lyoonse.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

1 Pita 3:15

Sombi mumyoyo yanu kamulemeka Klistu mukwiinga ngoMwaami wanu. Munoolibambite lyoonse kusansulwita muntu uli woonse weenga wamwiipusha pakulangila nkomucite, sombi kamusansulula cakulibombya alimwi akumulemeka.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

1 Joni 3:3

Uyo woonse ucite lushomo akulangila muli Klistu ulalisalasha mwiine bweenka mbuli Klistu mbwaasalalite.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

Bene Efeso 6:14

Aboobo amuyume, mufwaale lushinisho anga ngulaamba mubukome. Amufwale bululami anga ncakufwala ca ceela pacaamba.

1 Bene Kolinto 1:7

Paceebo ceeco taaku cipo nabi comwi ca Mushimu ncemutacite bulya ndimutoolindilila kupiluka kwa Mwaami Jesu Klistu.

Luka 17:30

Kulaakuba bweenka ubo pabushiku MwanaaMuntu ndyeshi akayubululwe.

Bene Ebulu 10:35

Paceebo ceeco, mutatyongoli mukwiinga na mwatolelela kutaboola pesule, mulaakutambula cilambu cinene.

Bene Ebulu 6:19

Kulangila kwesu uku, kuli anga nceela cakwiimikisha bwaato mubuumi bwesu. Nkokwaamba ayi kulalengesha ayi tubule boowa alimwi tunooshinishite. Kulaakutushisha kwiculu muŋanda yakwe Lesa kwiinda mucisani cishitilisha akwinjila mumusena usalalite wa mukati.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

2 Timoti 4:5

Sombi webo lilame mushiindi sha mushobo uli woonse, koyuma mumakatasho, cita mulimo wakushimikila Makani Abotu akucita milimo yako yoonse kweelana amusebenshi wakwe Lesa.

1 Bene Kolinto 13:13

Ono pali shintu shotatwe sheshi shikabule kumana. Ishi ndushomo, lulangilo alimwi alusuno. Nakubi boobo pasheeshi, cinene ndusuno.

Bene Loma 13:13

Atwikale kabotu mbuli bantu bekala mumumuni. Tatweelete kwikala mubucakolwa bupusenepusene, bufuule alimwi akutalilemeka. Tatweelete kulwana alimwi akunyumfwilana munyono.

Jobo 40:7

“Imikana cabusankwa, nkwiipushe. Awebo ukumbule miipusho yangu.

2 Bene Tesalonika 1:7

alimwi ulaakulengesha mapensho anu amapensho esu kumana. Lesa ulaakucita boobo na Mwaami Jesu akaboneke kaaswa kwiculu abaanjelo bakwe bacite nkusu shiinji.

Jelemiya 1:17

“Ono libambile! Nyamuka uye ubalwiite shoonse nsheshi nkulwiite. Utabaloondi, sobwe ceebo nebo inga ndakulengesha kuba aboowa pameenso abo.

Isaya 11:5

Bululami bulaakuba ngolaamba wakwe. Kushomeka ngolaamba wakwe wakufwala mubukome.

1 Baami 18:46

Nkusu sha Mwaami Lesa shakesa pali Elija wakapinka shakufwala shakwe mubukome akucica cakushiyaamo Aabu kuya mukushika kuJesiliilu.

Kulonga 12:11

Ono mbulya mbomweelete kwiilya. Mulyeelete kufwalila limwi mbuli shilweendo, nkwabilo kumyeendo alimwi ankooli mumaansaanu. Amukeelye mulubilo, mukwiinga nkusekelela kwa Pasika kwakwiibaluka kusotokela mukulemeka ndime neMwaami Lesa.

Jobo 38:3

Imikana cabusankwa, nkwiipushe. Awebo ukumbule miipusho yangu.

2 Baami 4:29

Elisha wakalanga kuli Geyasi akwaamba ayi, “Pimpa mungaanjo wako mulamba! Kweendesha, bwesa nkoli yangu unooya. Na ukumanye muntu munshila utamwaanshi alimwi na muntu wakwaansha utamaani ciindi kumukumbula. Ululamebo kuŋanda akutandabika nkoli yangu pameenso a mwaana musankwa uyo.”

Luka 17:8

Sobwe, inga toociti boobo! Sombi ulamwaambila ayi, ‘Ntabatile cakulya, na umanishe ufwale kabotu akundetela cakulya acakunwa. Lyalo awebo ndyeshi ulye akunwa.’

Bene Loma 8:19

Shintu shoonse Lesa nshaakalenga shitoolindila abuumbi kuyubululwa kwa bana bakwe.

Bene Kolose 3:4

Klistu mbobuumi bwanu, ono na akaboneke, amwebo mulaakuboneka pantu pomwi anguwe mubulemu bwakwe.

1 Pita 1:10

Balaluki bakulukulu abo, bakaambila limwi shaceeco Lesa ncaakaamba ayi ulaakumupa kwiinda muluse lwakwe, bakalangoola akwiipusha kabotu kabotu shalupulusho ulu.

1 Pita 5:12

Nkalata ifwaafwi iyi, nguSailasi wanembelaako, uyo mukwabesu ushomeka. Ndisuni kwaamba ayi muyumyeyumye akumulwiitilisha ayi ulu ndoluse lwakwe Lesa lwiine lwiine. Lyoonse kamushoma muluse ulo.

Mateyo 20:4

Wakabaambila ayi, ‘Amwebo kamuya kumuunda wangu mukasebense, ntoomufolesha maali eelete.’