1 Makani 7:29 - Baibo Busansulushi Bwa Libuku Ili

²⁹ Bamulunyungu lwakwe Manase mbobakalinga kulela ndabala ya Beti Shani, Tanaki, Megido aya Doli pantu pomwi amandabala akalinga kwaashingulukite. Bamulunyungu lwakwe Josefu mwanaakwe Jakobo mbobakalinga kwikala mumandabala ayo.

1 Makani 7:29 Referans Kwoze

Ciyubululo 16:16

Mpeeke bashikaswa abo bakabunjika bamaami kumusena wiitwa ayi Amagedoni muciEbulu.

Sekaliya 12:11

Pabushiku ubo kulila buumpute mundabala inene ya Jelusalemu kulaakukomena abuumbi. Ncakwiila kulaakubabo anga nkulila buumpute pali Adadi Limoni kuliwesa lya Megido.

2 Makani 35:22

Nakubi boobo Josiya wakalinga kusuminite kulwana. Taakwe kunyumfwa shakalinga kwaamba Lesa kwiinda mumwaami Neko. Aboobo wakalilubyalubya akuya mukumulwana muCinyika ca Megido.

2 Baami 23:29

Muciindi ca bwaami bwakwe Josiya, Neko mwaami wa bene Ijipiti wakaya abashilumamba bakwe kuMulonga wa Yufuletisi mukucafwa mwaami wa bene Asilya. Mwaami Josiya wakaya mukulwana bashilumamba bene Ijipiti kuMegido. Lyalo Josiya bakamucaya munkondo iyo.

2 Baami 9:27

Mwaami Aasiya ndyaakabona shoonse shakacitika, wakacicisha cikoci akuya kundabala ya Beti Agani. Mpomunyaawo Jewu wakamutandaanya kaaya coolobesha ayi, “Amumucaaye alakwe!” Lyalo bakamucisa kaaya acikoci munshila yakuya kuGaa pafwaafwi andabala ya Ibuleyamu. Sombi wakalinga kuyabo tibili washika akundabala ya Megido uko nkwaakafwita.

1 Baami 9:15

Mwaami Solomoni wakasebensesha bantu bacibalu kuyaka Ŋanda yakwe Lesa alimwi aŋanda ya bwaami, kuleta bulongo bwa kweelanishisha kwicwe lya ndabala inene, alimwi akuyaka lubumbu lwa ndabala iyo ya Jelusalemu. Wakabasebensesha akukuyaka ndabala inene ya Asoli, Megido aya Gesa.

1 Baami 4:12

Baana mwanaakwe Ayiludi wakalinga kweendelesha ndabala inene ya Taanaki aya Megido pantu pomwi amusena woonse wakalinga pafwaafwi andabala ya Beti Shani, pafwaafwi andabala ya Saletani, kumalenge lya ndabala ya Jesiliilu kuya mukushika akundabala inene ya Abelo Mewola alimwi andabala inene ya Jokimeyamu.

1 Samwelo 31:10

Pesule bakabika shakulwanisha shakwe Saulo muŋanda njebakalinga kulambililaamo Ashitaloti lesa wabo mwanakashi akupopa mubili wakwe kulubumbu lwa ndabala ya Beti Shani.

Boomboloshi 5:19

“Bamaami bakesa akulwana nkondo, ncakwiila bamaami ba kuKenani bakalwana kuTaanaki kufwaafwi akantupu ka Megido, sombi tabakwe kusaalawo silifa nabi cimwi cili coonse.