1 Makani 6:60 - Baibo Busansulushi Bwa Libuku Ili

⁶⁰ Kuswa kucishi cakwe Benjameni bakapekwa ndabala ya Gibyoni, Geba, Alemeti alimwi aAnatoti pantu pomwi amafulo akalinga kushingulukite. Mandabala ngobakabaanya shipani sha bene Koati akalinga likumi aotatwe pantu pomwi.

1 Makani 6:60 Referans Kwoze

Jelemiya 1:1

Aya ngamaswi akaamba Jelemiya mwanaakwe Ilikiya mupailishi wa kuAnatoti mucishi ca Benjameni.

Jelemiya 37:12

Lyalo nebo neJelemiya ndakatalika kuswa mundabala inene akuya kucishi cakwe Benjameni mukubwesa cipansha ca buboni bwangu pakati ka bantu bekalaako.

Jelemiya 11:23

Taakuuwo nabi womwi weshi akacaale pabantu ba kuAnatoti. Ndaakuleta mapensho pali mbabo mumwaaka ngondakasala kubapa mulandu.”

Isaya 10:30

Amoolobeshe nobene Galimu! Amukutike nobene Laisha! Amukumbule nobene Anatoti!

1 Makani 8:6

Bamulunyungu lwakwe Eyudi bakalinga bamatanjilili ba bamumaanda a baabo bakalinga kwikala muGeba, sombi bakakakatishikwa kuya mukwikala kuManaati.

1 Baami 2:26

Mwaami Solomoni wakaambila Abiyata mupailishi ayi, “Koya kumushi wine mishaanu kuAnatoti. Walinga kweelete kufwa, sombi teshi nkucaaye bulya mukwiinga Libokoshi lya Cipangano lya Mwaami Lesa Shinkusu shoonse lyakalinga mumaansaako ndiwakalinga abata baDefedi, alimwi wakapenga pantu pomwi ambabo mumapensho abo oonse.”

1 Samwelo 13:3

Jonasani wakacaya mutanjilili wa bashilumamba bene Filisiti muGeba alimwi ici cikani bene Filisiti bakacinyumfwa. Lyalo Saulo wakatuma beshinkombe bakwe ayi baye beete baEbulu kuya kunkondo kwiinda mukulisha lupeenga mucishi coonse.

Joshuwa 18:24

Kefa Amoni, Ofini alimwi aGeba. Nkokwaamba ayi mandabala anene pantu pomwi akalinga likumi aobilo, kubikaawo amishi yakalinga kushingulukite mandabala ayo.

1 Makani 6:59

Ashani, Juta alimwi aya Beti Shemeshi pantu pomwi amafulo akalinga kushingulukite mandabala ayo.

1 Makani 6:61

Bamulunyungu lwakwe Koati bamwi bakapekwa mandabala likumi kwiinda mukuuma cisolo kuswa kucishi ca musa wa mukowa wakwe Manase.

Neyemiya 12:29

Bamwi bakaswa kundabala ya Beti Gilugala, cishi ca Geba aca Asimafeti ceebo beshikwiimba bakayaka mishi yabo kushinguluka Jelusalemu.