1 Makani 28:8 - Baibo Busansulushi Bwa Libuku Ili

⁸ “Ono bulya nobantu ba Mwaami Lesa, pameenso akwe Lesa wesu alikoto lyanu ili nobene Isilaeli, ntoomukonkomesha ayi munookonkela milasho yoonse iyo Mwaami Lesa, Lesa wesu njaakatupa kwaamba ayi cishi ici cibotu cikatolelele kunooli caanu alimwi mukacishiile abamulunyungu lwanu ayi ncabo kwalyoonse alyoonse.”

1 Makani 28:8 Referans Kwoze

Dutolonomi 4:1

Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Isaya 34:16

Amulangoole Libuku lya Mwaami akubelengaamo. Lilaamba ayi, “Pashilengwa ishi taaku nabi comwi ceshi cikaluube alimwi taaku nabi comwi ceshi cikabule cibye kwaamba ayi kashishalana. Ceebo nguMwaami Lesa mwiine waamba ayi cibe boobo alimwi Mushimu wakwe washibunganya pantu pomwi.

Tushimpi 13:22

Muntu ululeme ulashiila bamulunyungu lwakwe buboni bwakwe, sombi buboni bwa mucita shibi bulaya kubaluleme.

Esila 9:12

Aboobo mutakeebeshi bana banu kubana babo nabi kuleka bana banu kweeba bana babo. Mutakabacaafwi ayi bekale muluumuno akuba acoolwe paciindi cili coonse kwaamba ayi mukayume akulya shintu shibotu sha mucishi ico akucishiila bana banu ayi cibe caabo lyoonse alyoonse.

Dutolonomi 5:32

“Nobene Isilaeli amushinishe kwaamba ayi mulaakunookonkela shoonse Mwaami Lesa, Lesa wanu nsheshi amulwiite ayi mucite. Mutakasuuli mulawo wakwe uli woonse.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

Milimo ya Batumwi 10:33

Mpomunyaawo ndakatuma bantu kuli ndiwe alimwi wacita kabotu kwisa. Ono soonse bulya tuli pameenso akwe Lesa kwaamba ayi utulwiite makani oonse ayo ngaakubambila Mwaami Lesa.”

Tushimpi 3:1

Omwanaangu utanoolubaako nsheenkwiisha. Kolama milawo yangu mumoyo wako.

Kulumbaisha 119:44

Ndanookonkela milawo yanu, ee, kwiikonkela kwalyoonse alyoonse.

Kulumbaisha 119:4

Mwebo noBaami baLesa mwakapa milasho yanu iyo yeelete kunookonkelwa cakushomeka.

Dutolonomi 29:15

Sombi cilikumite abaabo boonse bamulunyungu lwesu batana kushalwa, abo batabete waano sunu.

Dutolonomi 29:10

“Pabushiku bwasunu noonse muliimfwi pameenso a Mwaami Lesa, Lesa wanu. Nkokwaamba ayi mwebo nobamatanjilili, abamaloba, bacinenenene, basankwa bamwi boonse,

Dutolonomi 4:26

Ndeeta liculu acishi ca panshi kuba bakamboni sunu, kwaamba ayi na mukabule kunyumfwila, teshi mukekaale ciindi cilaamfu mucishi cili kwitala lya Joodani ico ncemuli pafwaafwi kubwesa. Sombi mulaakunyonyoolwa cakumaninina.

Dutolonomi 4:6

Amukeekonkele cakushomeka. Ico cilaakutondesha mishobo imwi busongo mbomucite akunyumfwishisha kwa shintu shoonse. Na bakanyumfwe milawo iyi, balaakwaamba ayi, ‘Mushobo uyu ngunene ulicite busongo bunene akunyumfwishisha kwa shintu shoonse!’

Kulumbaisha 119:27

Munjiishe kunyumfwisha bwaamba milasho yanu, lyalo ndyeshi nkondwe kunyumfwa shamilimo yanu ikankamika.

1 Makani 28:7

Ndaakulengesha bwaami bwakwe ayi bukanooliikobo lyoonse alyoonse na akatolele kukonkela milawo amilasho yangu yoonse bweenka mbwaatoocita bulya.’

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Kulonga 23:13

“Kamukonkela shintu shoonse nebo neMwaami Lesa nshendamulwiita. Mutapaili balesa bamwi, tamweelete kubanda nabibo meena abo.

Dutolonomi 5:33

Mukeekonkele yoonse kwaamba ayi shintu shinoomweendela kabotu, alimwi kwaamba ayi mutolelele kunooli boomi mucishi ico ncemutooya mukubwesa.

Dutolonomi 27:1

Kuswawaawo Mose wakeemikana pantu pomwi abamatanjilili ba bene Isilaeli akwaambila bantu boonse ayi, “Munookonkela milawo yoonse njentoomupa sunu.

Joshuwa 24:20

Na mukafutatile Mwaami Lesa akusebensela balesa beensu, ulaakukalala akucita cintu ciyoosha pali ndimwe. Ulaakumunyonyoola nakubi kwaamba ayi lyoonse wakalinga kumucitila shintu shibotu.”