1 Makani 26:28 - Baibo Busansulushi Bwa Libuku Ili

²⁸ Lakwe Shelomiti abamulunyungu lwakwe bakalinga kulama shintu shoonse isho shakabengwa kubikwaawo ashipo isho shakaleta mulaluki Samwelo, mwaami Saulo mwanaakwe Kishi, Abina mwanaakwe Neli alimwi aJoabu mwanaakwe Seluiya.

1 Makani 26:28 Referans Kwoze

1 Samwelo 9:9

Ono paciindi ico muIsilaeli, mulaluki wakalinga kwiitwa ayi shikubona. Aboobo muntu wayanda kuya mukwiipusha Lesa mwiipusho, wakalinga kwaamba ayi, “Tiya tukabone shikubona.”

1 Samwelo 17:55

Mwaami Saulo ndyaakabona Defedi utooya mukulwana mwine Filisiti uyo, wakeepusha Abina mutanjilili wa bashilumamba ba bene Isilaeli ayi, “Abina, anu ngumwanaakwe ni cikula bwangu ulya?” Abina wakakumbula ayi, “Mbweeke mbocibete lushinisho ayi muli boomi nobaami, nshishiiwo.”

1 Makani 26:27

Bakabwesa shintu nshebakasaala munkondo akushibenga kuli Lesa ayi shikasebenseshekwe muŊanda yakwe Lesa.

1 Makani 26:29

Kuswa pabamulunyungu lwakwe Isa, Kenaniya abana bakwe bakasalwa kuba bacinenenene aboomboloshi pakati ka bene Isilaeli. Balo tebakalinga kusebensa muŊanda yakwe Lesa.

1 Makani 28:12

Wakamupa amiyeeyo yoonse njaakalinga kucite bwakupanga mansa sha Ŋanda yakwe Lesa alimwi aya maanda ashingulukite imansa isho, ŋanda yakusungilamo shisebensesho sha muŊanda yakwe Lesa ayakusungilamo shipo shakabengwa kuMwaami Lesa.