1 Makani 25:3 - Baibo Busansulushi Bwa Libuku Ili

³ Bana bakwe Jedutuni bakalinga bosanwe awomwi, nkokwaamba ayi Gedaliya, Seli, Jeshaya, Shimeyi, Ashabiya alimwi aMatitiya. Aba bakalinga kutanjililwa aJedutuni ishiwabo uyo wakalinga kwiimba shabulaluki akusebensesha kalumbu mukulumba akulumbaisha Mwaami Lesa.

1 Makani 25:3 Referans Kwoze

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Kulumbaisha 92:1

NoBaami baLesa, ncibotu abuumbi kumulumbaisha akwiimba nyimbo shakumulemeka nobaLesa ba kwiculu Beendaawo.

2 Makani 29:14

Kuswa kubamulunyungu lwakwe Emani nguJeiyelo aShimeyi. Kuswa kubamulunyungu lwakwe Jedutuni nguShemaya aUsiyelo.

1 Makani 15:21

Matitiya, Elifele, Mikineiya, Obedi Edomu, Jeiyelo alimwi aAsasiya bakasalwa kulisha tulumbu tunene kweelana aSheminiti.

1 Makani 15:18

Beshikubacafwa mbobakasala kulisha tulumbu tuniini mbaaba: Sekaliya, Jaasiyelo, Shemilamoti, Jeiyelo, Uni, Elyabu, Benaya, Maaseiya. Mbobakasala kulisha tulumbu tunene mbaaba: Matitiya, Elifelewu, Mikineiya alimwi aObedi Edomu aJeiyelo beshikulindilila minjililo ya Ŋanda yakwe Lesa.

1 Makani 9:16

Obadiya mwanaakwe Shemaya, Shemaya mwanaakwe Galali, Galali mwanaakwe Jedutuni, Jedutuni mwanaakwe Belekiya, Belekiya mwanaakwe Asa, Asa mwanaakwe Elikana uyo wakalinga kwikala mumishi ya bene Netofa.

1 Makani 25:2

Bana bakwe Asafu bakalinga bone, nkokwaamba ayi Saku, Josefu, Netaniya alimwi aAshayela. Aba bakalinga kutanjililwa aAsafu uyo wakalinga kwiimba shabulaluki lyoonse na mwaami waamba.

1 Makani 25:4

Bana bakwe Emani bakalinga likumi abone, nkokwaamba ayi Bukiya, Mataniya, Usiyelo, Shebuwelo, Jelimoti, Ananiya, Anani, Eliyata, Gidaluti, Lomamuti, Esa, Joshibekasha, Maloti, Ota alimwi aMaasiyoti.

1 Samwelo 10:5

Kuswawaawo utooya kukalundu kakwe Lesa muGibiya, uko kuli misumba ine Filisiti. Ono pamwinjililo wa ndabala utookumanya likoto lya balaluki beshi banooswa kucipaililo pakalundu, kabesa cilisha tulumbu, ngoma, mitoolilo atunkobele, uku kabalaluka.