1 Makani 22:7 - Baibo Busansulushi Bwa Libuku Ili

⁷ Defedi wakaamba ayi, “Omwanaangu, ndalinga kusuni kuyaka Ŋanda yakwe Lesa mukupa bulemu Mwaami Lesa, Lesa wangu.

1 Makani 22:7 Referans Kwoze

Kulumbaisha 132:5

kushikila nkacane musena wakulambililamo Mwaami Lesa, ncakwiila Ŋanda ya Ushinkusu wakwe Jakobo.”

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Dutolonomi 12:5

Pakati ka shipansha sha shishi mweshi mukanooli mikowa yanu yoonse, Mwaami Lesa ulaakusala musena womwi, uko bantu nkweshi bakanoosa mukumulambilila.

Esila 6:12

BaLesa, abo bakasala Jelusalemu kwaamba ayi ube musena wakubalambililaamo, bakakome mwaami uli woonse nabi mushobo uyo weshi ukakake kukonkela mulawo uyu akweelesha kunyonyoola Ŋanda yakwe Lesa iyi. “Nebo neDalyasi, ndapa mulawo uyu alimwi ulyeelete kukonkelwa camaansa obilo.”

2 Makani 2:4

Ntooyaka Ŋanda yakwe Lesa yakulambililaamo Mwaami Lesa, Lesa wangu. Ilaakuba ŋanda isalalite uko nebo abantu boonse nkweshi tukanoobalambila mukutenta tununkila kabotu kunembo lyakwe akupa shipo sha shimaande shisalalite kuli nguwe lyoonsebo. Ncakwiila uko nkweshi tukanoobengela milambu yakutenta macuunsa amacolesha, pabushiku abushiku bwa kookesha bwa Cibelu alimwi apanshiku shakusekelela Mweenshi Upya kubikaawo anshiiku shimwi shakusekelela mukupa bulemu Mwaami Lesa, Lesa wesu. Ici cilaakunoocitika kwalyoonse alyoonse kweelana abwakaamba Mwaami Lesa.

1 Makani 29:3

Ono kwiilika pashintu shoonse nshindaamba, ndabenga silifa agolodi kuswa pabuboni bwangu mukwiinga walusuno ndooncite paŊanda yakwe Lesa, Lesa wangu.

1 Baami 9:3

Mwaami Lesa wakaamba ayi, “Ndanyuumfwa mupailo wako akusenga kwako. Ndasalasha ŋanda iyi njewanjakila ayi ibe musena umo mweshi noolambililwa lyoonse. Ndanooilama akwiitabilila lyoonsebo.

1 Baami 8:29

Kamulama Ŋanda yanu iyi mashiku amalumwi, kulama musena uyo ngomwakasala ayi tunoomulambililaamo. Kamunyumfwila na ndalanga kuŊanda yanu pakupaila.

Dutolonomi 12:21

Na musena womwibo wa kulambililaako uli kulaale bunene, lyalo na mwasuuna nobeene, inga mwacaya ŋombe nabi mbelele ili yoonse Mwaami Lesa njeenga wamupa, alimwi akulita nyama iyo kuŋanda, kweelana ambondamulwiita.

1 Makani 22:19

Ono bulya amusebensele Mwaami Lesa, Lesa wanu amyoyo yanu yoonse alimwi abuumi bwanu boonse. Amutalike kuyaka Ŋanda yakwe Lesa kwaamba ayi mukabikemo Libokoshi lya Cipangano ashimwi shintu shisalalite isho shakusebensesha pakumulambila.”

2 Samwelo 7:1

Ono mwaami Defedi wakakalikana muŋanda yakwe ya bwaami, Mwaami Lesa ndyaakamupa luumuno mukulengesha balwani bakwe boonse bakalinga kumushingulukite kubula luta.