1 Makani 18:8 - Baibo Busansulushi Bwa Libuku Ili

⁸ Wakabwesa abulonse uunji abuumbi kuswa muTeba amuKuni, mandabala anene akalinga kweendeleshekwa aAdadesa. Kunembo Solomoni wakasebensesha bulonse uyo kupanga cingomo, macinko alimwi ashisebensesho sha muŊanda yakwe Lesa.

1 Makani 18:8 Referans Kwoze

2 Samwelo 8:8

Wakabwesa abulonse uunji abuumbi kuswa muBeta amuBelotayi, mandabala anene akalinga kweendeleshekwa aAdadesa.

1 Makani 22:14

Ndakalipensha abuumbi ceebo cakucana shiyandika pakuyaka Ŋanda yakwe Lesa. Ndabambaako makilogilamu a golodi ali 3,400,000 alimwi amakilogilamu a silifa ali 34,000,000. Kuteelabo pasheesho sheenka, kuli bulonse uunji asheela shilemulemu shiinji shitakonsheki kupimwa. Aalo mapulanga amabwe ndabamba kale, sombi ulyeelete kuletelaawo ashimwi.

1 Makani 18:7

Defedi wakabwesa mayawo a golodi ayo bacinenenene bakwe Adadesa ngobakalinga kunyamuna akwaatola kuJelusalemu.

1 Makani 18:9

Ono Toyi mwaami wa kuAmati wakanyumfwa ayi Defedi wakakoma likoto lyoonse lya bashilumamba bakwe Adadesa.

2 Makani 4:11

Ulamu wakapanga amipika, mafosholo alimwi ambale shifongomene. Wakamanisha mulimo wakwe kuli Solomoni wa kuŊanda yakwe Lesa. Nshaakapanga nsheeshi: Macinko obilo Shitwi shobilo sha peculu lya macinko shili anga nimbale Ncetani shakooswa caandaŋombe pacitwi comwi comwi Mapomegilaneti abulonse ali 400 akalinga mumindando yobilo, womwi kaucite ali mwaanda kushingulusha ncetani pashitwi isho shakalinga peculu lya macinko Shikoci likumi Mbale shili likumi Cingomo cinene Bacende bali likumi abobilo bakubumba apo pakekala cingomo ico Mipika, mafosholo ashakusubushako nyama Shoonse ishi Ulamu nshaakapangila mwaami Solomoni sha muŊanda ya Mwaami Lesa shakapangishikwa abulonse ubekabeka.

2 Makani 3:15

Mwaami wakapanga macinko obilo. Licinko lyomwi alyomwi lyakalinga kulaampa mamita ali 15.5. Macinko ayo wakaabika kunembo lya Ŋanda yakwe Lesa. Palicinko lyomwi alyomwi bakapangilaawo citwi cakalinga kulaampa mamita ali 2.2.