1 Makani 18:13 - Baibo Busansulushi Bwa Libuku Ili

¹³ Mucishi cabo wakashiya wayakamo misumba ya bashilumamba. Mpeeke bene Edomu boonse bakaba basebenshi bakwe Defedi. Ncakwiila Mwaami Lesa wakalinga kulengesha Defedi kukoma kuli koonse nkweenga waya.

1 Makani 18:13 Referans Kwoze

1 Makani 18:6

Mpomunyaawo Defedi wakayakaamo misumba ya bashilumamba mucishi ca bene Silya ba muDamasikasi. Lyalo bakaba basebenshi bakwe Defedi akutalika kumutolela misonko. Ncakwiila Mwaami Lesa wakalinga kulengesha Defedi kukoma kuli koonse nkweenga waya.

Matalikilo 27:37

Isaki wakakumbula Esau ayi, “Ndalengesha kale ayi abe mwaami wako, alimwi ayi boonse beshikamukowa bakwe babe basha bakwe. Ndamupa shili anga ngamaila awaini. Ono taaku cacaala nceshi nkupe, omwanaangu!”

2 Bene Kolinto 11:32

Ndindakalinga muDamasikasi mweendeleshi wa mwaami Aletasi, wakabika beshikulindilila paminjililo yoonse ya ndabala inene iyo kwaamba ayi bancaate.

Kulumbaisha 144:10

Ndaakwiimbila ndimwe nomupa nkusu shakukoma kubamaami, ee, mwebo nomupulusha neDefedi musebenshi wanu kuswa kumupeeni walufu.

Kulumbaisha 121:7

Mwaami Lesa ulaakukufuna kushintu shoonse shikonsha kukucisa. Ndushinisho ngweshi akalame buumi bwako.

2 Samwelo 23:14

Paciindi ico Defedi wakalinga mucimfwengo alyalo likoto lya bashilumamba ba bene Filisiti lishikushinkila lyakalinga kuBetileemu.

1 Samwelo 14:1

Bumwi bushiku Jonasani mwanaakwe Saulo wakaambila musankwa cikula bwangu wakalinga kunyamuna shakulwanisha shakwe ayi, “Atusubuke tuye kumisumba ya bene Filisiti.” Nakubi boobo taakwe kulwiita baishi.

1 Samwelo 13:3

Jonasani wakacaya mutanjilili wa bashilumamba bene Filisiti muGeba alimwi ici cikani bene Filisiti bakacinyumfwa. Lyalo Saulo wakatuma beshinkombe bakwe ayi baye beete baEbulu kuya kunkondo kwiinda mukulisha lupeenga mucishi coonse.

1 Samwelo 10:5

Kuswawaawo utooya kukalundu kakwe Lesa muGibiya, uko kuli misumba ine Filisiti. Ono pamwinjililo wa ndabala utookumanya likoto lya balaluki beshi banooswa kucipaililo pakalundu, kabesa cilisha tulumbu, ngoma, mitoolilo atunkobele, uku kabalaluka.

Shakubelenga 24:18

Bene Edomu balaakukomwa bene Siya, balwani bakwe, abalo balaakukomwa sombi bene Isilaeli balaakutolelela kukoma.

Matalikilo 27:40

Ulaakunoocana buumi kwiinda mukusebensesha mupeeni, alimwi ulaakuba musha wa mukwanu. Sombi waakwaashuka, ulaakupatuka kuswa mubweendeleshi bwakwe.”

Matalikilo 27:29

Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

Matalikilo 25:23

Mwaami Lesa wakamwaambila ayi, “Mumala umo uliyumwite mishobo ya bantu yobilo Ulaakutumbuka bantu ba mishobo yobilo bapatene. Mushobo womwi ulaakunoocite nkusu kwiinda umwi, munenebantu ulaakunoosebensela mwanikebantu.”

1 Baami 11:15

Kalekale paciindi ico Defedi ndyaakalinga kulwana abene Edomu, Joabu mutanjilili wa bashilumamba wakaya mukufukila bene Isilaeli bakacaikwa, wakacaya basankwa boonse bene Edomu.

1 Makani 18:12

Abishayi mwanaakwe Seluiya wakacaya bene Edomu bali 18,000 muCinyika ca Mwiinyo.

1 Makani 18:14

Mboboobo Defedi mbwaakaba mwaami wa cishi ca Isilaeli coonse, alimwi wakeendelesha bantu boonse cabululami alimwi cakutanyengelela.

1 Samwelo 18:14

Ono shintu shoonse nshaakalinga kucita, shakalinga kumweendela kabotu mukwiinga Mwaami Lesa wakalinga anguwe.