1 Makani 16:14 - Baibo Busansulushi Bwa Libuku Ili

¹⁴ Mwaami Lesa, ngoLesa wesu, milawo yakwe ili mucishi ca panshi coonse.

1 Makani 16:14 Referans Kwoze

Isaya 26:9

Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.

Kulumbaisha 118:28

Mwebo muli baLesa bangu, ndanoomulumba. Muli baLesa bangu, ncakwiila ndanoomusumpula.

Kulumbaisha 100:3

Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.

Kulumbaisha 95:7

mukwiinga lakwe nguLesa wesu. Swebo tuli bantu bakwe mbwaaembela anga nimbelele shili mumaansaakwe. Amunyumfwe liswi lyakwe Lesa sunu.

Kulumbaisha 63:1

NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

1 Makani 16:12

Kamwiibaluka shitondesho sha nkusu sha kwiculu nshaakacita, shaankamiko shakwe alimwi abupingushi mbwaakapa.

Kulonga 15:2

Mwaami Lesa ngoompa nkusu alimwi ndamwiimbila, mukwiinga ngomupulushi wangu. NgoLesa wangu, alimwi ntoomulumbaisha ngoLesa wa bata alimwi ntokwiimba pankusu shakwe.

1 Makani 16:13

Kamushiibaluka nobamulunyungu lwakwe Jakobo musebenshi wakwe, Nobamulunyungu lwakwe Isilaeli, mwebo nomwakasalwa.

1 Makani 16:15

Ulaakulama cipangano cakwe kwalyoonse alyoonse, ee, kushomesha kwakwe mumashalane ali cuulu.

Matalikilo 17:7

“Ndaakucita mbondashomesha kuli ndiwe akubamulunyungu lwako mumyaaka iinji itoosa kweelana ambocili ncipangano camuyayaya. Ndaakuba Lesa wako awa bamulunyungu lwako.