1 Makani 15:12 - Baibo Busansulushi Bwa Libuku Ili

¹² Wakabaambila ayi, “Muli bamatanjilili ba shipani sha bene Lefi. Mwebo abene Lefinyinaanu amulisalashe kwaamba ayi mulete Libokoshi lya Cipangano ca Mwaami Lesa, Lesa wa bene Isilaeli pamusena ngondalibambila.

1 Makani 15:12 Referans Kwoze

2 Makani 35:6

Amucaye bana ba mbelele ba bushiku bwa Pasika bwakwiibaluka kusotokela. Ono mwebo amulisalashe kweelana aMilawo akubambila bene Isilaelinyinaanu bana ba mbelele ayi bacite kweelana ashakaamba Mwaami Lesa kwiinda muli Mose.”

2 Makani 30:15

Pabushiku bwa likumi ashone mumweenshi wabili, bakacaya bana ba mbelele ba bushiku bwa Pasika bwakwiibaluka kusotokela. Bapailishi abene Lefi abo batakalinga kusalalite kweelana aMilawo, bakafwa nsoni akulisalasha. Lyalo bakaleta milambu yakutenta kuŊanda yakwe Lesa.

1 Makani 15:14

Mpomunyaawo bapailishi abene Lefi bakalisalasha kwaamba ayi banyamune Libokoshi lya Cipangano ca Mwaami Lesa, Lesa wa bene Isilaeli.

Joni 17:17

Amubasalashe alushinisho ayi babe bantu banu. Maswi anu ndolushinisho.

Esekelo 48:11

Musena usalalite uyo ulaakuba wa bapailishi ba mulunyungu lwakwe Sadoki ceebo balo bakansebensela cakushomeka. Tabakwe kukonkela bene Isilaeli boonse mukubisha bwakacita bamumukowa wa bene Lefi bamwi.

2 Makani 5:11

Mpeeke bapailishi boonse bakaswa muMusena Usalalite Wiindaawo. Bapailishi boonse bakalinga kooko bakalisalasha nabi tebakalinga mucipani cakalinga pabulishi.

1 Makani 24:31

Abalo bakooma cisolo bweenka bwakacita bamakwababo bamulunyungu lwakwe Aloni pameenso a mwaami Defedi, bacinenenene, Sadoki mupailishi, Aimeleki mwanaakwe Abiyata alimwi abamatanjilili ba bamumaanda a bapailishi alimwi abene Lefi. Bamuŋanda ya mwanikebantu bakapekwa mulimo bweenka bwakapekwa bamuŋanda ya munenebantu.

1 Makani 15:3

Mpeeke Defedi wakeeta bene Isilaeli boonse kwisa kuJelusalemu kwaamba ayi bakalete Libokoshi lya Cipangano kumusena ngwaakalibambila.

1 Makani 15:1

Defedi ndyaakamana kuyaka maandaakwe muNdabala yakwe Defedi, wakabamba amusena wakubikawo Libokoshi lya Cipangano. Wakaliyakila tente.

1 Makani 9:34

Aba boonse, kweelana amakani akalinga kusansulula bamulunyungu lwabo, bakalinga bamatanjilili ba bamumaanda a bene Lefi alimwi bakalinga kwikala muJelusalemu.

Neyemiya 13:22

Lyalo ndakaambila bene Lefi ayi balisalashe akuya mukulindilila minjililo kwaamba ayi bushiku bwakookesha bwa Cibelu bulamwe cakubusalasha. NobaLesa bangu, amunjibaluke pacikani ici acalo akunyumfwila nkumbu kweelana alusuno lwanu lunene.

1 Makani 16:1

Mpeeke bakashisha Libokoshi lya Cipangano akulibika mumusena wa ndilyo mutente yakayaka Defedi ayi likakaleemo. Lyalo Defedi wakabenga milambu yakutenta aya bwanabwankashi kunembo lya Mwaami Lesa.

2 Makani 1:2

Lyalo mwaami Solomoni wakapa mulawo kubamatanjilili ba bashilumamba bali cuulu aba bali mwaanda, boomboloshi, bamatanjilili boonse ba bamumaanda a bene Isilaeli pantu pomwi abene Isilaeli bamwi boonse.

2 Makani 1:4

Sombi Libokoshi lya Cipangano lyakalinga muJelusalemu, umo mwaami Defedi mwaakaliyakila tente ayi linookalaamo ndyaakalileta kuswa kuKilyati Jeyalimu.

2 Makani 5:2

Lyalo kuJelusalemu mwaami Solomoni wakeeta bamaloba bamatanjilili ba mikowa aba shipani sha bene Isilaeli kuleta Libokoshi lya Cipangano kuŊanda yakwe Lesa kuswa kuSiyoni, muNdabala yakwe Defedi.

Isaya 52:11

Amusweemo, amusweemo muBabiloni! Mutacati cintu citasalalite kweelana aMilawo Amusweemo muBabiloni kamusalalite mwebo nomunyamuna shisebensesho sha Mwaami Lesa.