1 Makani 11:9 - Baibo Busansulushi Bwa Libuku Ili

⁹ Ciindi ico nkusu shakwe Defedi shakafula abuumbi mukwiinga Mwaami Lesa Shinkusu shoonse wakalinga anguwe.

1 Makani 11:9 Referans Kwoze

2 Samwelo 3:1

Ono kulwana pakati ka baabo bakalinga kwiimikanina bamuŋanda yakwe Saulo abaabo bakalinga kwiimikanina Defedi, kwakatola ciindi cilaamfu abuumbi. Sombi lubasu lwakwe Defedi mbuli mbolwakalinga kuya ciindaawo kuyuma, lwalo lumwi lwakalinga kuya ciindaawo kulefuka.

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Esita 9:4

Ono cakapuka mubwaami bwakwe Sakisesi boonse ayi Modekayi wakaba munene muŋanda ya bwaami alimwi nkusu shakwe shakalinga kuya bufulilaako.

1 Makani 9:20

Kalekale Fineyasi mwanaakwe Eliyasa ngowakalinga mutanjilili wa beshikulindilila minjililo alimwi Mwaami Lesa wakalinga anguwe.

2 Samwelo 5:10

Kuswawaawo bweendeleshi bwakwe bwakeendaawo kushimpa mukwiinga Mwaami Lesa Shinkusu shoonse wakalinga anguwe.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

1 Makani 11:8

Wakayakulula ndabala kushinguluka lilinga ilyo, kuswa kumusena wakeelanishikwa abulongo kwicwe lya kalundu. Joabu wakalinga kuyakulula lubasu lumwi loonse lwa ndabala iyo.