1 Makani 10:4 - Baibo Busansulushi Bwa Libuku Ili

⁴ Mpomunyaawo Saulo wakaambila shikunyamuna shakulwanisha shakwe ayi, “Kusha mupeeni wako uncaisheeko mukwiinga bantu batapalwitwe aba inga besa mukunsekanya.” Sombi cikula bwangu uyo taakwe kucita ubo mukwiinga wakaloonda abuumbi. Mpeeke Saulo wakabwesa mupeeni wakwe mwiine akuwitaawo kawiimfwi.

1 Makani 10:4 Referans Kwoze

1 Samwelo 31:4

Mpomunyaawo Saulo wakaambila shikunyamuna shakulwanisha wakwe ayi, “Kusha mupeeni wako uncaisheeko mukwiinga bantu batapalwitwe aba inga besa mukunsekanya akuncaya.” Sombi cikula bwangu uyo taakwe kucita ubo mukwiinga wakaloonda abuumbi. Mpeeke Saulo wakabwesa mupeeni wakwe mwiine akuwitaawo kawiimfwi.

Milimo ya Batumwi 16:27

Shikulindilila ntolongo ndyaakabuka akubona ayi milyango ilicalukite, wakayeeya ayi bakaili boonse bamana kuloboka. Lyalo wakakwela mupeeni wakwe mookala ayi alicaaye.

Milimo ya Batumwi 1:18

(Ono mumaali alya ngaakapekwa pacibi cilya ncaakacita, Judasi wakoolamo muunda umo mwaakawita panshi, wafwa akupasuka lifumo mala oonse aswita pansengwe.

1 Makani 10:5

Shikunyamuna shakulwanisha uyo ndyaakabona ayi Saulo wafwa, alakwe wakawita pamupeeni wakwe wafwa pantu pomwi anguwe.

1 Baami 16:18

Simuli ndyaakabona ayi ndabala inene yawa, wakenjila mucipinda ciyumu ca mukati ka ŋanda ya bwaami akulitentela mumo akufwa.

2 Samwelo 17:23

Ono Ayitofelo ndyaakabona ayi muyeeyo wakwe wakakwa, wakabika cakwikalaawo pambongolo yakwe akuya kuŋanda yakwe mundabala ine mishaabo. Mpeeke ndyaakamana kubamba shakalinga kweelete muŋanda yakwe, wakalyaangilila. Aboobo wakafwa akubikwa mucuumbwe ca baishi.

2 Samwelo 1:20

“Cikani ici mutakashimikili bene Gati, nabi kucaambilisha mumikwakwa ya Ashikeloni, mukwiinga inga bakondwa balutundu bene Filisiti, ncakwiila inga basangalala balutundu abo bakunsengwe.

1 Samwelo 17:36

Ndushinisho nebo nemusebenshi wanu ndacaya nkalamu alimwi abeya. Ono sunu mwine Filisiti ulya utooba bweenka mbuli banyama abo mukwiinga wanyansha likoto lya bashilumamba bakwe Lesa muumi.

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”

Boomboloshi 16:21

Mpomunyaawo bene Filisiti bakamucata akumutuloola meenso. Bakamutola kuGasa uko nkobakamwaanga ancetani ya bulonse akumupa ncito yakupela shili anga ngamaila muntolongo.

Boomboloshi 15:18

Mpeeke Samusoni wakanyumfwa nyotwa, aboobo wakalilila Mwaami Lesa ayi, “Mwakampa nkusu nebo nemusebenshi wanu shakukoma, ono sa mutooyanda kundekelesha ayi mfwe kunyotwa akucatwa kubene Filisiti abo batapalwitwe?”

Boomboloshi 9:54

Mpomunyaawo Abimeleki wakeeta shikumunyamwita shakulwanisha akumwaambila ayi, “Bwesa mupeeni wako uncaaye, ceebo bantu inga batalika kwaamba ayi, ‘Wakacaikwa kumwanakashi.’ ” Aboobo wakamuyasa, wafwa.

2 Samwelo 1:6

Musankwa uyo wakakumbula ayi, “Nebo ndakacanikwaawo paKalundu ka Gilubowa. Ono ndakabonabo Saulo utooshimpila kulisumo lyakwe, beshikulwanina mushikoci sha maaki abeshikulwanina pamaaki bene Filisiti kabalibo pafwaafwi akumulimba.

1 Makani 10:3

Lyalo nkondo yakakomenena Saulo kushikila beshimata bakamweensha akumucisa abuumbi.