1 Joni 4:9 - Baibo Busansulushi Bwa Libuku Ili

⁹ Lesa wakatondesha ayi ulitusuni kwiinda mukututumina Mwanaakwe wakashalwabo eenka mucishi ca panshi ayi muli nguwe tukabe abuumi.

1 Joni 4:9 Referans Kwoze

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

1 Joni 5:11

Bukamboni ubu mbwakwaamba ayi Lesa wakatupa buumi butamaani alimwi buumi ubu bulacanika muMwanaakwe.

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

Joni 6:57

Bweenka mbuli baTa bakantuma mbobali boomi, anebo ndimuumi ceebo ca baTa. Mbweeke ubo alakwe uyo ulya ndime, ulaakuba abuumi ceebo ca ndime.

1 Joni 4:10

Lusuno lwancinencine mbulya mbolubete. Teshi kwaamba ayi swebo twakataanguna kusuna Lesa, sombi lakwe wakatusuna akutuma Mwanaakwe kwaamba ayi shibiibi shesu shilekelelwe.

1 Joni 3:16

Klistu wakaaba buumi ceebo ca ndiswe, munshila iyi tuleshiba lusuno mbolubete. Aboobo aswebo tulyeelete kwaaba buumi bwesu ceebo ca babyeesu.

Joni 10:10

Mwiipi ulesabo mukwiipa, kucaya akunyonyoola, sombi nebo ndakesa ayi bantu babe abuumi, buumi bwancinencine.

Joni 6:51

Ndi cakulya cipa buumi cakaswa kwiculu. Na muntu uli woonse walya cakulya ici, ulaakuba abuumi butamaani. Cakulya ico nceshi nkamupe ngumubili wangu, uyo ngweshi nkape ayi bantu boonse ba mucishi ca panshi babe abuumi.”

Joni 3:18

Nkokwaamba ayi uyo woonse ushoma muli nguwe taomboloshekwi, sombi uyo woonse utashomi woomboloshekwa kale mukwiinga taakwe kushoma Mwanaakwe Lesa uyo wakashalwa eenkabo.

Bene Ebulu 1:5

Mukwiinga kuswabo kale kale, taaku munjelo Lesa ngwaakaambilawo kale ayi, “Ndiwe Mwanaangu, sunu ndaba baIso.” Alimwi Lesa taakwe kwaambilawo kale munjelo nabi womwi ayi, “Nebo ndaakuba baIshi alakwe ulaakuba Mwanaangu.”

Joni 8:42

Jesu wakabaambila ayi, “Lesa naalinga Ishiwanu naakwiinga kamunsuni mukwiinga ndakesa kokuno kuswa kuli Lesa. Nshikwe kwisabo mukusuna kwangu, sombi nguLesa wakantuma.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Maako 12:6

Mwine muunda uyu wakacaalabo amuntu womwi wakutuma, mwanaakwe musankwa ngwaakalinga kusunishi. Kumamanino, wakamutuma kubalimi. Wakaamba ayi, ‘Mwanaangu lakwe balaakumupa bulemu.’

1 Joni 4:16

Aboobo swebo tulishi alimwi tulashoma ayi Lesa ulitusuni. Lesa ndusuno alimwi uyo woonse ukala mulusuno uli muli Lesa, alakwe Lesa uli muli nguwe.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 6:29

Jesu wakabakumbula ayi, “Incito yakwe Lesa nkushomabo muli wooyo ngwaakatuma.”

Joni 8:29

Uyo wakantuma uli anebo, taakwe kunshiya neenka mukwiinga lyoonse ndacita shimukondelesha.”

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

Kulumbaisha 2:7

Ono mwaami uyo waamba ayi, “Ntokwaambilisha Mwaami Lesa ncaamba. Wandwiita ayi, ‘Webo uli mwanaangu, sunu ndaba baiso.

Matalikilo 22:2

Lesa wakaamba ayi, “Bwesa mwanaako musankwa, mwaana eenkabo ngoocite, uyo ngoosuni abuumbi, uye kucishi ca Moliya. Uko ntookutondesha kalundu mpweshi umubengele ayi ngumulambu kuli ndime.”

Joni 9:3

Jesu wakakumbula ayi, “Teshi kubisha kwa musankwa uyu nabi kwa bashali bakwe kwakalengesha. Sombi cakacitika kwaamba ayi Lesa atondeshe milimo yakwe muli nguwe.

1 Joni 5:13

Ndamulembela makani aya nomushoma muMwanaakwe Lesa kwaamba ayi mwishibishe ayi mulicite buumi butamaani.