1 Joni 4:5 - Baibo Busansulushi Bwa Libuku Ili

⁵ Balaluki babeshi aba balisuni sha mucishi ca panshi alimwi anshebaamba nsha mucishi. Ono abalo basuni sha mucishi balabanyumfwila.

1 Joni 4:5 Referans Kwoze

Joni 8:23

Sombi Jesu wakatolelela kubaambila ayi, “Mwebo muli ba panshi pano, nebo ndi wa kwiculu. Mwebo muli ba mucishi ca panshi, sombi nebo nshishi wa mucishi cino, sobwe.

Joni 17:14

Ndakabeeisha maswi anu. Paceebo ceeco bamucishi ca panshi bakabapata ceebo balo tabeshi bamucishi bweenka anebo mboonteshi wamucishi.

Joni 17:16

Tabeshi bamucishi ca panshi bweenka anebo mboonteshi wamucishi.

Joni 3:31

“Uyo uswa kwiculu uleenda pabantu boonse. Uyo uswa mucishi ca panshi ngwa panshi alimwi ulaambabo sha mucishi ca panshi. Sombi uyo uswa kwiculu uleenda pabantu boonse.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

2 Timoti 4:3

Ciindi cilaakushikila bantu ndyeshi bakakake kunyumfwa kwiisha kwalushinisho, sombi balaakukonkela shiyanda myoyo yabo kwiinda mukulibunganishisha bafundishi baanji abo beshi bakanokwaamba nshebasuni kunyumfwa.

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Kulumbaisha 17:4

Nshaambi shibiibi bucita bamwi, sombi ndakonkela milawo yanu mukulitalamusha kunshila shibiibi sha bamusembela kulwana.

Luka 16:8

Mwaami wakwe uyo wakalumbaisha shikulama buboni utashomeki ceebo cakucenjela kwakwe. Mukwiinga bantu ba mucishi ca panshi cino mbasongo kubamba makani abo kwiinda bantu bali mumumuni.”

Mika 2:11

“Na mubeshi nabi shikucenjeeka wesa waamba ayi, ‘Ntoomulalukila kutambula waini abwalwa buunji,’ Uyu ulaakuba ngomulaluki bantu aba ngobasuni.

Jelemiya 29:8

Ee, Mwaami Lesa Shinkusu shoonse, Lesa wa bene Isilaeli waamba ayi, ‘Mutasuminishi balaluki nabi bamukamwaami bali pakati kanu kumubeca. Mutakutiki kumaloto abo ayo ngomubayuminisha ayi kababaawo.