1 Joni 4:4 - Baibo Busansulushi Bwa Libuku Ili

⁴ Ono mwebo nobana bangu, muli bakwe Lesa alimwi mwabakoma kale balaluki babeshi mukwiinga Mushimu uli muli ndimwe ulicite nkusu kwiinda wooyo uli muli baabo basuni sha mucishi ca panshi.

1 Joni 4:4 Referans Kwoze

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

1 Joni 5:4

ceebo woonse mwanaakwe Lesa taatoleleli kubisha. Nchetukomeshako cishi ca panshi ndushomo lwesu.

Bene Loma 8:37

Taaku, sombi mushintu shoonse ishi shitucitikila tulakoma kwiinda muli Klistu utusuni.

1 Joni 4:16

Aboobo swebo tulishi alimwi tulashoma ayi Lesa ulitusuni. Lesa ndusuno alimwi uyo woonse ukala mulusuno uli muli Lesa, alakwe Lesa uli muli nguwe.

1 Bene Kolinto 2:12

Swebo tatukwe kutambula mushimu wa buntu, sombi twakatambula Mushimu uswa kuli Lesa kwaamba ayi twishibe shipo isho Lesa nshaakatupa.

1 Joni 5:19

Tulishi kwaamba ayi tuli bakwe Lesa nabi bantu bamwi boonse batokweendeleshekwa aMubiibi.

1 Joni 4:13

Tulishinishite ayi tuli muli Lesa, alakwe muli ndiswe mukwiinga wakatupa Mushimu wakwe.

Bene Efeso 6:10

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Bene Efeso 3:17

Ntoosenga alimwi ayi kwiinda mulushomo ndomucite, Klistu ekale mumyoyo yanu, mucinke manungo mulusuno

Ciyubululo 12:11

Bamakwabesu bakamukoma kwiinda mubulowa bwa Mwanaambelele alimwi amaswi alushinisho ayo ngobakashimikila. Bakalinga kulibambite kwaaba buumi bwabo.

1 Joni 3:24

Uyo woonse ukonkela milawo yakwe Lesa, ulekala muli Lesa, alakwe muli nguwe. Tulishi kwaamba ayi Lesa ulekala muli ndiswe ceebo ca Mushimu Usalashi uyo ngwaakatupa.

Joni 12:31

Ono cashikila ciindi cakwaamba ayi bantu ba pacishi ca panshi boomboloshekwe. Ono Satana mweendeleshi wa panshi pano wakomwa.

Joni 17:23

Nkokwaamba ayi nebo mbe muli mbabo, amwebo muli ndime. Ababe womwi cancinencine kwaamba ayi bantu boonse bakeshibe ayi ndimwe mwakantuma alimwi ayi mwakabasuna bweenka mbomwakansuna anebo.

1 Joni 4:6

Sombi swebo tuli bakwe Lesa. Uyo woonse ushi Lesa ulatunyumfwila alimwi uyo woonse uteshi wakwe Lesa taatunyumfwili. Anu mboboobo mbotupusanya Mushimu wancinencine awa bubeshi.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

1 Joni 2:13

Ntoolembela ndimwe nobamashali bangu basankwa mukwiinga mulimwishi uyo wakalingaako kuswabo kumatalikilo. Ntoolembela ndimwe, nobasankwa bacikula bwangu ceebo mwakoma Mubiibi ulya.

1 Bene Kolinto 6:13

Aumwi muntu inga waamba ayi, “Cakulya nca lifumo, alyalo lifumo ndya cakulya.” Nakubi boobo Lesa ulaakunyonyoola shoonse shobilo. Mubili teshi wakucitisha bufuule napaceyi, sombi ngwakusebensesha mulimo wa Mwaami Jesu alimwi Mwaami ulaubambila shiyandika.

Bene Efeso 2:2

Paciindi ico mwakalinga kweenda munshila sha bantu bakunsengwe. Mwakalinga kukonkela mweendeleshi wa bashikaswa wa muluuwo, mushimu ubiibi uyo weendelesha bantu batanyumfwili Lesa.

Joni 16:11

Ulaakubashinina pacikani ca boomboloshi mukwiinga Satana muleli wa pacishi ca panshi woomboloshekwa kale.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

Joni 14:30

Teshi ntolelele kwaamba amwebo mukwiinga mwaami wa mucishi ca panshi utoosa. Taacite nkusu pali ndime,

1 Joni 2:1

Nobana bangu, ndamulembela makani aya kwaamba ayi mutakabishi. Sombi na umwi wabisha, tulicite shikutucafwa utwaambililaako kuli Ishiwesu, uyo nguJesu Klistu ululeme.

1 Joni 3:20

Na myoyo yesu yatushinina, tuleshiba ayi lushibo lwakwe Lesa ndunene kwiinda lwa myoyo yesu alimwi ayi lakwe ulishi shintu shoonse.