1 Joni 4:1 - Baibo Busansulushi Bwa Libuku Ili

¹ Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

1 Joni 4:1 Referans Kwoze

1 Bene Tesalonika 5:21

sombi mubone kwaamba ayi na makani ayo alaswa kuli Lesa. Lyalo mwakonkela aayo abotu

2 Pita 2:1

Kwakalinga balaluki babeshi pakati ka bene Isilaeli, alimwi mbweekoobo apakati kanu palaakuba bafundishi babeshi. Cabushishi, balaakuleta njiisho shifulungene alimwi shinyonyoola, akukaka Mwaami wabo wakabalubula. Mukucita boobo, balaakuliletela kunyonyoolwa kwalubilo.

1 Timoti 4:1

Ncakwiila Mushimu Usalashi ulaamba patuba ayi munshiku shitoosa bamwi balaakushiya lushomo. Balaakutalika kunookonkela mishimu ibeshi akwiisha kwa bashikaswa.

2 Joni 1:7

Ceebo kuli babeshi baanji balibo cishi coonse ca panshi, abo batasumini ayi Jesu Klistu wakesa mubuntu. Muntu utasumini makani aya ngumubeshi alimwi ngumulwani wakwe Klistu.

Tushimpi 14:15

Muluya ulashoma shoonse nsheenga wanyumfwa, sombi muntu ucenjete ulataanguna kuyeeya ncaaelete kucita.

1 Bene Kolinto 14:29

Bobilo na botatwe abo bapetwe shipo shakwaamba maswi akwe Lesa balyeelete kwaamba, bamwi kabanyumfwa na nshebatokwaamba nshalushinisho.

1 Joni 2:18

Nobana bangu, cino nciindi camamanino! Mwakalwiitwa kwaamba ayi Mulwani wakwe Klistu ulaakwisa. Sombi ono balwani baanji bakwe Klistu baboneka kale, aboobo tuleshiba ayi cino nceciindi camamanino.

Luka 12:57

“Ino nceebonshi ncemutasalili ciluleme nobeene?

Luka 21:8

Jesu wakaamba ayi, “Amucenjele kwaamba ayi kutakabi muntu nabi womwi eshi akamucenjeeke. Mukwiinga bantu baanji balaakwisa muliina lyangu kabaamba ayi, ‘Ndime wooyo Usalitwe wakwe Lesa!’ alimwi ayi, ‘Ciindi cashikila!’ Mutakabakonkeli.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

Ciyubululo 2:2

Utokwaamba ayi, ‘Milimo yako ndiishi ambuli mboosebensa cankusu alimwi akutaboola pesule ceebo ca mapensho. Ndishi alimwi kwaamba ayi inga toolangibo bamucita shibi. Abo balibanda ayi mbatumwi, wakabeelesha akucana ayi mbabeshi.

1 Bene Kolinto 12:10

Mushimu ulapa umwi nkusu shakucita shaankamiko, umwi ulamupa nkusu shakwaamba maswi akwe Lesa. Umwi ulamupa nkusu shakwishiba bupusano bwa shipo shiswa kuMushimu Usalashi ashimwibo. Umwi ulamupa nkusu shakwaamba milaka yeensu, sombi umwi ulamupa nkusu shakupandulula milaka iyo.

Milimo ya Batumwi 20:29

Ndishi kwaamba ayi na nkasweewo palikoto lyanu, baumpe bakali balaakwisa pakati kanu alimwi teshi bakalekewo bamucoonde aba.

Maako 13:21

“Na umwi muntu akamwaambile ayi, ‘Amubone, Usalitwe wakwe Lesa uli kokuno,’ nabi umwi alakwe akamwaambile ayi, ‘Amubone, ngulya uli kokulya,’ mutakamunyumfwili.

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

1 Baami 13:18

Lyalo mulaluki mucembele wa kuBetelo wakamulwiita ayi, “Anebo ndi mulaluki bweenka mbuli ndiwe. Mwaami Lesa wantumina munjelo uyo wesa mukundwiita ayi nkutole kumisheesu akuya mukukubamba kabotu.” Nakubi boobo mulaluki mucembele ulya wakalinga kubecabo.

Jelemiya 14:14

Mpeeke Mwaami Lesa wakakumbula ayi, “Balaluki batoolaluka shabubeshi muliina lyangu. Nshikwe kubatuma, kubasala nabi kubandikaabo. Batoomulalukilabo shili anga nshiloto shabubeshi, kusonda kwabo takucite ncito alimwi ashintu nshebaliyeeyela mumitwi yabo beene.

Jelemiya 23:16

Mwaami Lesa Shinkusu shoonse waambila bene Jelusalemu ayi, “Mutanookutika sheesho shimulalukila balaluki mukwiinga balamulengesha kuba akulangila kwa bubeshi. Balaambabo sha mumitwi yabo beene kuteshi shiswa mumulomo wangu neMwaami Lesa.

1 Bene Tesalonika 5:20

Mutasebaanyi makani ayo ashimikila baabo baambililaako Lesa,

2 Bene Tesalonika 2:2

mutanyonyonganishikwi mumiyeeyo alimwi mutapenshekwi amyoyo pacikani cakwaamba ayi, “Bushiku bwa Mwaami bwashika.” Tacicite mulandu nabi kwaamba ayi maswi aya aswa mubulaluki, nabi ayi akaswa kuli ndiswe nabi munkalata njetwakalemba.

1 Joni 2:7

Nomusunikwi, nshintoomulembela mulawo upya, sombi ngukulukulu uyo ngomwakalinga kwishi kuswa kumatalikilo. Mulawo uyu ukulukulu ngomakani eenka ngomwakanyumfwa.

3 Joni 1:11

Oosunikwi, utakonkeli micito ibiibi, sombi ibotu. Uyo woonse ucita shiluleme ngumwanaakwe Lesa. Sombi uyo ucita shibiibi, tamwishiiwo Lesa.