1 Joni 3:16 - Baibo Busansulushi Bwa Libuku Ili

¹⁶ Klistu wakaaba buumi ceebo ca ndiswe, munshila iyi tuleshiba lusuno mbolubete. Aboobo aswebo tulyeelete kwaaba buumi bwesu ceebo ca babyeesu.

1 Joni 3:16 Referans Kwoze

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Joni 13:34

Ntoomupa mulawo upya wakwaamba ayi, ‘Amusunane.’ Bweenka mboomusuni nebo, amwebo mulyeelete kusunana.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Bene Loma 5:8

Sombi Lesa wakatutondesha kwaamba ayi ulitusuni abuumbi ceebo Jesu Klistu wakatufwita katucili bamucita shibi.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

Bene Efeso 5:25

Amwebo nobasankwa amusune bamakaanu bweenka mbuli Klistu mbwaakasuna coonde akwaaba buumi bwakwe ceebo ca ncico

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

Bene Loma 16:4

abo bakalinga kusuminite akucaikwa ceebo ca ndime. Ntoobalumba abuumbi alimwi teshibo ndime neenka nentoobalumba, sombi ashoonde shoonse sha baswamashi bakunsengwe.

1 Joni 2:6

Uyo waamba ayi uli muli Lesa, alakwe ulyeelete kwikala bweenka bwakekala Jesu Klistu.

Joni 10:15

Bweenka mbuli baTa mbobenshi anebo ndibeshi. Paceebo ceeco ndisuminite kwaaba buumi bwangu ceebo ca mbelele shangu.

Bene Filipi 2:17

Nabi na bulowa bwangu butootilwa anga ncipo ca cakunwa pantu pomwi acipo ico lushomo lwanu ncelutoobenga kuli Lesa, ndasangalala akusekelela pantu pomwi amwebo noonse.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

1 Pita 1:18

Lesa wakamulubula kuswa kubuumi butaaku mbobubete ubo bwakaswa kubamashali banu bakulukulu. Mukucita boobo taakwe kusebensesha cintu cimana ncito mbuli silifa nabi golodi, sobwe.

Bene Filipi 2:30

Wakaboolelabo pakalindi ceebo ca milimo yakwe Klistu. Wakaaba buumi bwakwe kwaamba ayi ancaafwe musheesho nshemwatakalinga kukonsha kuncafwa.

Joni 10:11

“Ndi mweembeshi mubotu. Mweembeshi mubotu ulaaba buumi bwakwe ceebo ca mbelele shakwe.

1 Bene Tesalonika 2:8

Peculu lya waawo ceebo cakumusunisha twakalinga kulibambite kuteshibo kumwishibisha shaMakani Abotu aswa kuli Lesa, sombi akupa buumi bwesu sobeene. Ncakwiila twakalinga kumusuni abuumbi!

1 Joni 2:9

Uyo woonse waamba ayi uli mumumuni, sombi kaapatite mubye, ucili mumunshinshe abobulya.

2 Bene Kolinto 4:12

Nkokwaamba ayi kuli ndiswe lufu lutokweendelabo mumaansa, sombi mwebo mbuumi.