1 Joni 2:5 - Baibo Busansulushi Bwa Libuku Ili

⁵ Sombi uyo ukonkela maswi akwe Lesa, lusuno lwakwe Lesa luli muli nguwe cakumaninina. Mboboobo mbotwishiba ayi tuli muli nguwe cancinencine.

1 Joni 2:5 Referans Kwoze

Joni 14:23

Jesu wakakumbula ayi, “Uyo unsuni ulakonkela kwiisha kwangu alimwi baTa balaakumusuna. Lyalo nebo abaTa tulaakwisa kuli nguwe akwikala anguwe.

Joni 14:21

Uyo usumina milawo yangu akucita mboyaamba, ngowooyo unsuni. Uyo usuni ndime, abalo baTa balaakumusuna, anebo ndaakumusuna akuliyubulula kuli nguwe.”

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

1 Joni 3:24

Uyo woonse ukonkela milawo yakwe Lesa, ulekala muli Lesa, alakwe muli nguwe. Tulishi kwaamba ayi Lesa ulekala muli ndiswe ceebo ca Mushimu Usalashi uyo ngwaakatupa.

Kulumbaisha 119:2

Balicite coolwe abo bakonkela kwiisha kwa Mwaami Lesa, abo bamunyumfwila amyoyo yabo yoonse.

Ciyubululo 14:12

Nkokwaamba ayi ncibotu bashomi kutaboola pesule, abo bakonkela milawo yakwe Lesa alimwi akushomeka muli Jesu.

1 Joni 5:2

Cishibilo cakwaamba ayi tulisuni bana bakwe Lesa, nkusuna Lesa alimwi akukonkela milawo yakwe.

Joni 15:5

“Nebo ndi munyansa, mwebo muli misampi. Uyo woonse ukalilila muli ndime anebo muli nguwe, ulaakucata shisepo shiinji. Ceebo kwakubula ndime taaku nceenga mwaciita.

Esekelo 36:27

Ndaakubika Mushimu wangu muli ndimwe akumulengesha kukonkela milasho yangu alimwi akunyumfwila milawo yangu cakushomeka.

1 Joni 4:18

Muntu ucite lusuno taaloondi mukwiinga lusuno lwancinencine lulamana boowa boonse. Ceebo na muntu kaaloonda cilaamba ayi ulicite mulandu alimwi lusuno taluna kuba lwancinencine muli nguwe.

Kulumbaisha 119:146

Ndoolobesha kuli ndimwe, amumfuune kwaamba ayi nkonkele kwiisha kwanu.

2 Bene Kolinto 5:17

Aboobo na muntu waba muli Klistu ulaba abuumi bupya. Shikulukulu shamana, nkokwaamba ayi shoonse shaba shipya.

Ciyubululo 12:17

Lyalo shinshimwe uyo wakakalala ceebo ca mwanakashi uyo. Mpeeke wakaya mukulwana abamulunyungu lwa mwanakashi bamwi boonse abo bakonkela milawo yakwe Lesa alimwi akushoma bukamboni bwakwe Jesu.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

Bene Loma 8:1

Ono abo bashoma muli Jesu Klistu, Lesa taabapi mulandu.

Jemusi 2:22

Sa te waboona ono kwaamba ayi lushomo lwakwe amicito sheendela pantu pomwi? Lushomo lwakwe lwakashika payanda Lesa ceebo ca micito.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Joni 6:56

Uyo woonse ulya mubili wangu akunwa bulowa bwangu ulekala muli ndime, anebo ndekala muli nguwe.

Shikushimikila 8:5

Uyo woonse ukonkela milawo yakwe teshi akacane mulandu. Musongo uleshiba ciindi ceelete anshila yakucitilamo boobo.

Kulumbaisha 106:3

Balicite coolwe bakonkela milawo ya Mwaami Lesa, abo bacita shiluleme lyoonse.

Tushimpi 8:32

“Ono nobana bangu, amunkutike, balicite coolwe abo bakonkela nshila shangu.

Kulumbaisha 119:4

Mwebo noBaami baLesa mwakapa milasho yanu iyo yeelete kunookonkelwa cakushomeka.

Tushimpi 28:7

Mwaana ukonkela milawo ulicite maano akunyumfwisha shintu, sombi uyo unyumfwana abalyabi ulalensha nsoni baishi.

Kulumbaisha 105:45

Wakacita boobo kwaamba ayi bakonkele milasho yakwe, alimwi akulama milawo yakwe yoonse. Amulumbaishe Mwaami Lesa!

1 Joni 4:17

Anu mboboobo lusuno mboluba lwancinencine muli ndiswe kwaamba ayi tukeemikane cakubula boowa pameenso akwe Lesa pabushiku bwakoomboloshekwa. Mbweshi cikabe ubo mukwiinga buumi bwesu mucishi ca panshi bulibo anga mbwakwe Klistu.

2 Joni 1:6

Lusuno ndoontokwaamba ndwakwaamba ayi tulyeelete kukonkela milawo yakwe Lesa kweelana ambomwakanyumfwa kuswa kumatalikilo, nkokwaamba ayi noonse mulyeelete kusunana.