1 Joni 1:4 - Baibo Busansulushi Bwa Libuku Ili

⁴ Twalemba makani aya kwaamba ayi kusangalala kwesu kumaninine.

1 Joni 1:4 Referans Kwoze

Joni 15:11

“Ndamulwiita shintu ishi kwaamba ayi kusangalala kwangu kube muli ndimwe alimwi akwaamba ayi kusangalala kwanu kushikeewo.

Joni 16:24

Kushikila asunu, tamuna kusengaawo kale muliina lyangu. Ono kamusenga, munanootambula kwaamba ayi musangalale cancinencine.

2 Joni 1:12

Ndicite shintu shiinji shakumulwiita, sombi nshisuni kushilemba munkalata. Ntooyeeya kwisa mukumufwakashisha, katulangana pakumulwiita kwaamba ayi tukasangalale cancinencine.

2 Bene Kolinto 1:24

Tatutokweelesha kunoomulwiita pasheesho nshemweelete kushoma. Ceebo tulishi kale kwaamba ayi muli bayumu mulushomo. Anu tutoosebenselabo pantu pomwi ayi mukeendeewo kusangalala.

Bene Efeso 3:19

Amwishibe mulusuno lwakwe Klistu, lwiinda pamaano oonse a bantu kwaamba ayi Lesa ekale muli ndimwe cancinencine.

Joni 3:29

Uyo ucite nabwiinga ngushibwiinga. Nakubi boobo mubye shibwiinga uleemikana pafwaafwi akumukutika. Na wanyumfwa liswi lyakwe ulasangalala abuumbi. Mbweeke ubo anebo ndasangalala abuumbi.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

1 Joni 2:1

Nobana bangu, ndamulembela makani aya kwaamba ayi mutakabishi. Sombi na umwi wabisha, tulicite shikutucafwa utwaambililaako kuli Ishiwesu, uyo nguJesu Klistu ululeme.