1 Bene Kolinto 8:1 - Baibo Busansulushi Bwa Libuku Ili

¹ Ono kweelana amwiipusho ngomwakalemba pashakulya shipekwa kushibumbwabumbwa, ndushinisho kwaamba ayi soonse tulicite lushibo. Ono lushibo ulo lweenka lulalengesha bantu kulisumpula, sombi lusuno ndoluyaka.

1 Bene Kolinto 8:1 Referans Kwoze

1 Bene Kolinto 8:7

Sombi teshi boonse beshi makani aya. Bamwi bakashibila kulambila shibumbwabumbwa, abobulya na balya cakulya camushobo uyo, balacibona anga capekwa kushibumbwabumbwa. Ono ceebo cakutonsha kwabo, cakulya ico cilababisha.

Bene Loma 14:3

Muntu uyo ulya cili coonse atasebaanyi muntu ulyabo bucisa, alakwe ulyabo bucisa, ataboni wooyo ulya cili coonse ayi utoobisha mukwiinga Lesa wakamutambula.

Isaya 5:21

Mapensho kubaabo baliyeeyela ayi mbasongo, ee, baliyeeyela ayi balicenjete.

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.

1 Bene Kolinto 8:4

Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.

1 Bene Kolinto 8:2

Uyo woonse uyeeya ayi ulicite lushibo pacintu cili coonse, taakwe kuba alushibo kweelana ambwaaelete.

Bene Loma 15:14

Nobene Klistuma nebo ndishinishite kwaamba ayi mulicite buumi bubotu alimwi mulishi shoonse nshemweelete kucita akulwiitana nobeene.

Bene Efeso 4:16

Lakwe ngooendelesha shipansha shoonse sha mubili akushicatanya pantu pomwi. Ono na cipansha cili coonse casebensa mulimo wa ncico, mubili woonse ulakula akuliyaka mulusuno.

1 Bene Kolinto 15:34

Amutalike kusebensesha maano mbuli mbwaaelete alimwi mucileeke kubisha. Ceebo nkobali bateshi Lesa, ici ndacaamba kwaamba ayi mufwe nsoni.

Milimo ya Batumwi 15:29

Mutanoolya cakulya cakapekwa kushibumbwabumbwa, mutanoolya bulowa, mutanoolya banyama bakashinwa alimwi mutanoocita cikololo. Mwebo mulaakucita kabotu namukasuunge shintu ishi. Amucaale kabotu.”

Isaya 47:10

Wacinka manungo mububi bwako akwaamba ayi, ‘Taaku umbwene.’ Busongo buli muli ndiwe alushibo shakutola kumbi. Webo ulalisumpula mukwaamba ayi, ‘Ndimebo alimwi taaku aumwi kulekabo ndime.’

Shakubelenga 25:2

Banakashi abo bakeeta basankwa abo ayi bacanikwe pakusekelela kwa kupa milambu, uko nkobakalinga kulambilila balesa ba bene Moabu. Bene Isilaeli bakalya akulambila balesa abo.

1 Bene Kolinto 10:28

Sombi na umwi muntu wakwaambila ayi, “Cakulya ici cakalinga capekwa kushibumbwabumbwa,” utacili ceebo ca wooyo wakulwiita alimwi acakupenshekwa amoyo.

Milimo ya Batumwi 21:25

Ono balo baswamashi bakunsengwe bashoma, twakabalembela nkalata yakubeshibisha mbotwakasuminishanya. Twakasuminishanya ayi tabeelete kulya shakulya shakapekwa kushibumbwabumbwa, nabi kulya bulowa, banyama bakashinwa alimwi akutacita cikololo.”

Milimo ya Batumwi 15:10

Ino nceebonshi ncemutokweeleshesha Lesa kwiinda mukubika mikuli ilemu pabashomi iyo bamashali besu bakulukulu, nabi ndiswe soonse, njetwakaalilwa kunyamuna?

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

1 Bene Kolinto 5:6

Kulisumpula kwanu taaku mbokubete. Sa te mulyeeshi makani aamba ayi, “Tumena tuniini tulafufumusha mulwi wa fulaulo woonse?”

1 Bene Kolinto 5:2

Sombi mucilisumpula! Mwalinga kweelete kuungumana akukusha musankwa utoocita cintu ca mushobo uyo pakati kanu.

1 Bene Kolinto 4:18

Bamwi batalika kulisumpula anga teshi nkeseeko uko.

1 Bene Kolinto 4:10

Swebo tuli baluya ceebo cakwe Klistu. Sombi mwebo muli basongo muli Klistu. Swebo tuli batentu, sombi mwebo muli bayumu. Mwebo mulalemekwa, swebo tulasuulwa.

1 Bene Kolinto 1:5

Ceebo cakuba muli Klistu, Lesa wamupa bubile boonse bwa muMushimu mukwiinga mulishi Makani akwe Lesa alimwi mulakonsha kwaashimika.

Bene Loma 14:22

Anu isho nshooshoma pashintu sha mushobo wooyu shilyeelete kubabo pali ndiwe aLesa. Ulicite coolwe uyo utalipi mulandu na wacita cintu ncaayeeya ayi cilyeelete kucitwa.

Bene Loma 14:14

Kwiinda muMwaami Jesu, ndishi cakutatonsha ayi taaku cintu nabi comwi cibisha muntu ciine. Sombi na muntu ulashoma ayi ncibiibi, nkokwaamba ayi cilabica kuli nguwe kucicita.

Bene Loma 14:10

Takweelete kuba nabi womwi ushi kubona muKlistunyina ayi utoobisha alimwi takweelete kuba nabi womwi ushi kusebaanya muKlistunyina mukwiinga soonse nguLesa eshi akatoomboloshe.

Bene Loma 12:16

Kamunyumfwana abantu boonse alimwi mutanoolisumpula, sombi mulyeelete kunoosebensela bamwi. Mutalibiki pabusongo.

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

Bene Loma 14:19

Anu lyoonse tulyeelete kucita shintu shileta luumuno pabantu alimwi akucafwa bene Klistu kuyuma mulushomo.

1 Bene Kolinto 4:6

Mumakani oonse aya ngondaamba nobamakwesu, ndasebensesha liina lyangu alyakwe Apolosi mbuli citondesho ayi mwishibe caamba makani ayo aamba ayi, “Amubambe shaamba Malembo akwe Lesa.” Lyalo mutanoolisumpula ceebo ca muntu womwi akusuula umwi.

1 Bene Kolinto 10:15

Ntoomwaambila mbuli mbotwaambila basongo, amuyeeyeshe makani ngondamulwiita.