1 Bene Kolinto 7:22 - Baibo Busansulushi Bwa Libuku Ili

²² Ceebo muntu uyo Mwaami Jesu ngwaakeeta kaali musha, ngumuntu waangulukite kuli nguwe. Mbweeke ubo muntu utabete musha wakeetwa aKlistu, ngumusha wakwe.

1 Bene Kolinto 7:22 Referans Kwoze

1 Pita 2:16

Amwikale mbuli bantu baangulukite, kutasebensesha lwaanguluko lwanu ayi lube cakufwekesha bubi, sombi amwikale mbuli basebenshi bakwe Lesa.

Filimoni 1:16

Ono bulya taabetebo musha, sombi uleenda pamusha, ngumukwanu usunikwi muli Klistu. Nebo ndimusuni abuumbi, sombi kuli ndiwe ulaakwiindaawo mukwiinga ngumusha wako alimwi ngumukwanu muMwaami Jesu.

Bene Galatiya 5:13

Mwebo nobamakwesu, Lesa wakamwiita kwaamba ayi mwaanguluke. Anu amucenjele kwaamba ayi lwaanguluko ulu lutamulengeshi kwikala buumi bwa kubisha, sombi mucafwane womwi awomwi mulusuno.

Bene Galatiya 5:1

Klistu wakatwaangulula kwaamba ayi twaanguluke cancinencine. Anu amuyume kwaamba ayi mutakabooleli mubusha.

Kulumbaisha 116:16

NoBaami baLesa ndushinisho ndi musebenshi wanu. Ndi mwaana wa mwanakashi musebenshi wanu ushomeka. Mwakaŋangulula kuswa muncetani sha lufu.

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

Bene Kolose 4:12

Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.

Bene Galatiya 1:10

Sa mukwaamba boobo ntooyanda kulumbwa abantu? Napaceyi, sombibo Lesa eenka. Sa ndisuni kukondelesha bantu? Sobwe, nendalinga kucisuni kukondelesha bantu, naakwiinga nshibete musebenshi wakwe Klistu.

1 Bene Kolinto 9:19

Nebo ndyaangulukite, nshibete musha wa muntu uli woonse. Nakubi boobo ndakalisandula musha kubantu boonse kwaamba ayi ndete baanji kuli Lesa.

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

1 Bene Kolinto 7:21

Sa wakalinga musha Lesa ndyaakakwiita? Ono utalisukami. Sombi na wacaana ciindi cakwaangululwa, cisebenseshe.

1 Bene Kolinto 9:21

Mbweeke ubo pakusebensa abaswamashi bakunsengwe, nentakonkeli Milawo yakwe Mose, sombi ndakekala mbuli mbabo kwaamba ayi mbalete kuli Lesa. Ici tacaambi ayi nshikonkeli Milawo yakwe Lesa, sombi ndeendeleshekwa amulawo wakwe Klistu.