1 Bene Kolinto 5:6 - Baibo Busansulushi Bwa Libuku Ili

⁶ Kulisumpula kwanu taaku mbokubete. Sa te mulyeeshi makani aamba ayi, “Tumena tuniini tulafufumusha mulwi wa fulaulo woonse?”

1 Bene Kolinto 5:6 Referans Kwoze

Jemusi 4:16

Ono mwebo mulalisumpula akulilumbaisha. Kulilumbaisha koonse kwa mushobo uyo nkubisha.

Bene Galatiya 5:9

Kweelana ambobaamba ayi, “Cimena ciniinibo cilafutumusha fulaulo woonse.”

1 Bene Kolinto 15:33

Mutabecekwi, “Shiweenda aumineme, awebo inga waminama.”

1 Bene Kolinto 5:2

Sombi mucilisumpula! Mwalinga kweelete kuungumana akukusha musankwa utoocita cintu ca mushobo uyo pakati kanu.

Mateyo 13:33

Jesu alimwi wakabalwiita acimwi cikoshanyo ayi, “Bweene bwa kwiculu buli anga ncimena ciniini mwanakashi ncaakasenkanya mushikopo shotatwe sha fulaulo, kushikila woonse wafutumuka.”

2 Timoti 2:17

Kwiisha kwa mushobo uyo kuli anga ncipwaloonda cilya mubili woonse. Basankwa bobilo balinga kwiisha shintu sha mushobo uyo nguAimeneyusi aFiletasi.

1 Bene Kolinto 3:21

Ono anu taaku muntu weelete kulisumpula ceebo ca sheesho shicita bantu. Mukwiinga shintu shoonse nshanu.

Luka 13:21

Buli anga ncimena ciniini mwanakashi ncaakasenkanya mushikopo shotatwe sha fulaulo kushikila woonse wafutumuka.”

Osiya 7:4

Boonse mbeshi kupampooka alimwi tabashomeki. Lupato lwabo lulamotabo anga ngamakalangasha a mulilo wa mucitofu, ee, ayo shikupanga shinkwa ngwaatanyanyaanshi kushikila fulaulo wakandwa akunyamuka.

Bene Loma 6:16

Mulishi kabotu kwaamba ayi na muntu walibenga kuba musha wa muntu umwi, ulyeelete kunoomunyumfwila. Nkokwaamba ayi na muli basha ba bubi mulaakufwa. Na mulanyumfwila Lesa, ulaakumululamika pameenso akwe.