1 Bene Kolinto 4:10 - Baibo Busansulushi Bwa Libuku Ili

¹⁰ Swebo tuli baluya ceebo cakwe Klistu. Sombi mwebo muli basongo muli Klistu. Swebo tuli batentu, sombi mwebo muli bayumu. Mwebo mulalemekwa, swebo tulasuulwa.

1 Bene Kolinto 4:10 Referans Kwoze

1 Bene Kolinto 2:3

Ndindakesa shindakalinga kuciteewo nkusu, aboobo ndakalinga kututumabo kuboowa.

Milimo ya Batumwi 26:24

Paulo ndyaakalinga kucaamba, Fesitasi wakamwaambila aliswi lya peculu ayi, “Wacinkuka webo Paulo! Lwiiyo lwako lwakucinkusha!”

Milimo ya Batumwi 17:18

Bamwi bafundishi beetwa ayi bene Epikuliya abaSitoiki bakatalika kumupikisha. Bamwi bakaamba ayi, “Anu ono alakwe uyu uteeite ulisuni kwaambanshi?” Abalo bamwi bakaamba ayi, “Caboneka anga utokwaamba pabalesa ba baswamashi.” Bakaamba boobo ceebo Paulo wakalinga kushimikila Makani Abotu akwe Jesu akubuka kuswa kubafu.

1 Pita 4:14

Na mwacobolwa ceebo ca liina lyakwe Klistu, mulicite coolwe, mukwiinga cilabonesha ayi Mushimu wakwe Lesa wa bulemu uli muli ndimwe.

2 Bene Kolinto 13:9

Swebo tulasangalala kwaamba ayi tulilefukite, mwebo muli bayumu. Aboobo ncetupailila nkwaamba ayi mukaswitilile kabotu.

1 Bene Kolinto 3:18

Mutalibeeci. Na kuli muntu pakati kanu uyeeya ayi ngumusongo mubwikaalo bwa cishi ca panshi, ulyeelete kuba anga ngumuluya kwaamba ayi abe musongo wancinencine.

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

2 Bene Kolinto 11:29

Na umwi walefuka, anebo ndalefuka. Na umwi wawita mucibiibi, nebo ndoongumana.

2 Bene Kolinto 11:19

Mwebo mbuli mbomulyaamba ayi muli basongo, aboobo baluya mulabatambula cakukondwa.

2 Bene Kolinto 10:10

Ceebo umwi inga waamba ayi, “Makalata ngaaleemba Paulo alicite bulemu alimwi ankusu. Sombi ndyaaba aswebo ulaboneka anga ngumubombu alimwi kwaamba kwakwe nkuubu.”

1 Bene Kolinto 10:12

Ono uyo woonse uyeeya kwaamba ayi ngumuyumu mulushomo, acenjele ayi atawi.

1 Bene Kolinto 4:8

Sa nkokwaamba ayi mwaba kale ashintu shoonse shiyandika? Sa mwabila kale? Sa mwaba baami swebo katutana? Necabota nemwalinga baami cancinencine, naakwiinga tweendelesha pantu pomwi.

1 Bene Kolinto 3:2

Ndakamupa mukupa kuteshi shakulya shiyumu ceebo kamutana kushikaawo. Alimwi abobulya tamweelete shakulya shiyumu.

1 Bene Kolinto 2:14

Uyo woonse utacite Mushimu Usalashi taakoonshi kutambula shipo shiswa kuMushimu. Muntu wamushobo uyo ulayeeya ayi taaku mboshibete alimwi taakoonshi kushishiba mukwiinga taaku muntu weenga washishiba kaatacite Mushimu.

Milimo ya Batumwi 17:32

Ndibakanyumfwa ayi Paulo utokwaamba shakubuka kuswa kubafu, bamwi bakatalika kumuseka. Sombi bamwi bakaamba ayi, “Tulisuni kwaamba ayi ukese ukatulwiteewo alimwi pacikani ncemunya ici.”

Milimo ya Batumwi 9:16

Aboobo, nebo nemwiine ndaakumubonesha shoonse nshaaelete kupenga ceebo ca ndime.”

Luka 18:9

Lyalo Jesu wakaamba cikoshanyo cimwi kubaabo bakalinga kuyeeya ayi baliluleme kwiinda bamwi boonse.

Luka 10:16

Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

Luka 6:22

“Mulicite coolwe nomutoopatwa kubantu, kusuulwa akutukanwa alimwi akwaambwa ayi muli babiibi ceebo ca MwanaaMuntu!

Mateyo 24:9

“Lyalo balaakumutola mukupenshekwa alimwi akumucaya. Bantu ba mishobo yoonse balaakumupata ceebo ca liina lyangu.

Mateyo 5:11

“Mulicite coolwe na bantu kabamutukana, kabamupensha alimwi akumubekesha shikani shibiibi ceebo ca ndime.

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Tushimpi 11:12

Muntu woonse utacite maano, ulasebaanya mubye, sombi ucite maano akunyumfwisha shintu uloomunabo.

2 Baami 9:11

Jewu wakaboolela kubabye abo bakamwiipusha ayi, “Sa kuli kabotu? Anu muluya ulya walinga kuyandoolanshi?” Jewu wakakumbula ayi, “Ulya muntu mulimwishi ashalo nshaamba mulishishi.”

1 Bene Kolinto 1:21

Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.

1 Bene Kolinto 1:23

Sombi swebo tulashimikila shakwe Klistu uyo wakapopwa pamucilingano. KubaJuda makani aya nimfumpu, akwalo kubaswamashi bakunsengwe taaku mbwaabete.

1 Bene Kolinto 1:25

Ceebo ico ciboneka anga nkubula maano kwakwe Lesa cileenda pabusongo bwa bantu, acalo ico ciboneka anga nkubula nkusu kwakwe Lesa cileenda pankusu sha buntu.

2 Bene Kolinto 6:8

Bantu balatulemeka akutusebaanya, balatwaamba bubi abubotu, balatucita anga tuli babeshi, sombi tatubeci, sobwe.

2 Bene Kolinto 4:12

Nkokwaamba ayi kuli ndiswe lufu lutokweendelabo mumaansa, sombi mwebo mbuumi.