1 Bene Kolinto 3:7 - Baibo Busansulushi Bwa Libuku Ili

⁷ Mwaboona ayi ushanga autilila taaku mbobabete, sombi nguLesa ulengesha ayi shikule.

1 Bene Kolinto 3:7 Referans Kwoze

Joni 15:5

“Nebo ndi munyansa, mwebo muli misampi. Uyo woonse ukalilila muli ndime anebo muli nguwe, ulaakucata shisepo shiinji. Ceebo kwakubula ndime taaku nceenga mwaciita.

Bene Galatiya 6:3

Ono na umwi kaalisumpula, sombi kakutaaku mbwaabete, ingayi utoolibecabo mwiine.

2 Bene Kolinto 12:9

Sombi wakankumbula ayi, “Luse lwangu lulikwene pali ndiwe, ceebo nkusu shangu shilaboneka bunene na koolefukite.” Ono nanoolilumbaisha cakukondwa ceebo cakulefuka kwangu kwaamba ayi nkusu shakwe Klistu shibe pali ndime.

Kulumbaisha 115:1

Kuteshi ndiswe noBaami baLesa, ee, kuteshi ndiswe, sombi ndimwebo nweenka nomweelete kulemekwa, ceebo ca lusuno lwanu lutamaani akushomeka kwanu.

1 Bene Kolinto 13:2

Na kaancite cipo cakwaamba maswi akwe Lesa, akwishiba lushinisho lushisitwe akuba alushibo lwa shintu shoonse alimwi na kaancite lushomo lukonsha kutuntulusha kalundu, sombi kaantacite lusuno, ingayi taaku mboombete.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Isaya 41:29

Balesa boonse aba mbakubeca. Taaku ncebakonsha kucita nabi comwi. Shibumbwabumbwa taaku mboshibete, ngumuuwobo.”

Isaya 40:17

Ncakwiila kuli nguwe mishobo imwi yoonse taaku amboibeteewo. Ee, taaku amboibete kuli nguwe alimwi teecite ncito.

Kulumbaisha 90:17

Nobaami baLesa, baLesa besu nkumbu shanu shibe aswebo. Amutulengeshe kuswitilila mushintu shoonse nshetucita.

1 Bene Kolinto 3:6

Nebo ndi anga ngumuntu wakashanga mbuto, alakwe Apolosi washitilila, sombi nguLesa ulengesha ayi shikule.

1 Bene Kolinto 3:8

Aboobo taaku bupusano pali wooyo ushanga autilila ceebo Lesa ulaakulambula womwi awomwi kweelana amilimo njaakacita.

2 Bene Kolinto 12:11

Ono ntoocita anga ngumuntu muluya! Sombi ndimwe mwanengesha kuba boobo. Mwebo ndimwe mwakalinga kweelete kunumbaisha ceebo nakubi kwaamba ayi taaku mboombete, sombi abo mbomwaamba ayi, “Batumwi beendaawo,” tabanyindiiwo.