1 Bene Kolinto 3:5 - Baibo Busansulushi Bwa Libuku Ili

⁵ Anu Apolosi ngani? Alakwe Paulo ngani? Swebo tulibo basebenshi bakwe Lesa abo bakamulengesha ayi mushome. Womwi awomwi pakati kesu ulasebensa ncito iyo yakamupa Mwaami Lesa.

1 Bene Kolinto 3:5 Referans Kwoze

2 Bene Kolinto 6:4

Sombi mushintu shoonse tulalitondesha ayi tuli basebenshi bakwe Lesa, kwiinda mukutolelela kushoma mushiindi sha mapensho apusenepusene.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

1 Pita 4:10

Lesa wakamupa shipo shipusenepusene alimwi muntu womwi awomwi ulyeelete kuba mbuli shikulama buboni mubotu. Ulyeelete kusebensesha ico ncaakatambula mukucafwa bamwi.

2 Bene Kolinto 3:6

Lakwe ngootupa nkusu shakwaamba ayi tube basebenshi ba cipangano cipya, ico citakwe kupangwa aMilawo ilembetwe, sombi aMushimu Usalashi. Milawo ilembetwe ilaleta lufu, sombi Mushimu ulapa buumi butamaani.

2 Bene Kolinto 11:23

Sa mbasebenshi bakwe Klistu? Nebo ndeendaawo. Ndaamba anga ngumuntu ucinkukite. Nebo ndeendaawo kusebensa ankusu, mankanda akwaangwa, mankanda akukwipwa cakutasekana, amankanda akuboolela pakalindi.

2 Bene Kolinto 4:7

Sombi swebo tuli anga ninongo mubikitwe bubile, kwaamba ayi cishibikwe ayi nkusu shiindaawo nshetucite tashishi shesu sobeene, sombi nshakwe Lesa.

2 Bene Kolinto 4:5

Ceebo tatushimikili shapali ndiswe sobeene, sombi shapali Jesu Klistu ayi ngoMwaami. Swebo tulalyaamba ayi tuli basebenshi banu ceebo cakwe Jesu.

2 Bene Kolinto 3:3

Cilibwenekete patuba kwaamba ayi Klistu mwiine ngowakalemba nkalata iyi akwiituma kwiinda muli ndiswe. Tailembetwe ainki, sombi aMushimu wakwe Lesa muumi alimwi tailembetwe pamabwe, sombi pamyoyo ya bantu.

1 Bene Kolinto 3:10

Lesa muluse ulo ndwaakantondesha, nebo ndakakaba lwiimbi mbuli muyaki ucishi kabotu, sombi umwi muntu utooyakaawo. Ono womwi awomwi ulyeelete kucenjela mbuli mbwaatooyaka.

1 Bene Kolinto 12:28

Mucoonde, Lesa wakataanguna kubika batumwi, kuboolaawo balaluki, kubolaawo bafundishi. Lyalo ndipakesa abo bantu beshikucita shaankamiko, bamwi abo bakapekwa nkusu shakushilika, kucafwa bamwi, kweendelesha ncito nabi kwaamba milaka yeensu.

1 Bene Kolinto 9:17

Nendakaliyandila kucita mulimo uyu, naakwiinga kaanangila kutambula cilambu. Ono mukwiinga nshikwe kuliyandila, ndasebensabo ceebo Lesa ngowakantuma.

1 Bene Kolinto 3:7

Mwaboona ayi ushanga autilila taaku mbobabete, sombi nguLesa ulengesha ayi shikule.

Joni 3:27

Joni wakakumbula ayi, “Taaku cintu muntu nceenga wacana na Lesa taakwe kumupa.

Luka 1:2

Bakalemba kweelana ambotwakalwiitikwa kubaabo bakabona shintu ishi ameenso kuswa kumatalikilo, abo bakalinga mbobeshikushimikila Makani Abotu.

Mateyo 25:15

Umwi wakamupa shuulu shosanwe sha maali, wabili shuulu shobilo alakwe umwi cuulu comwi. Wakabaabila kweelana ambweenga basebenshesha womwi awomwi. Kuswawaawo, wakanyamuka waya.

Bene Kolose 1:25

Anu nebo ndi musebenshi wa coonde ici mukwiinga Lesa wakampa mulimo wakucita pakati kanu. Mulimo uyu ngwakushimikila maswi akwe oonse.

Bene Efeso 3:7

Lesa wakampa mulimo wakushimikila Makani Abotu kwiinda muluse lwakwe, mukucita boobo wakabonesha nkusu shakwe.

Milimo ya Batumwi 18:24

Paciindi ico, muJuda umwi wiitwa ayi Apolosi, wakashalilwa mundabala inene ya Alekisandiliya, wakaya kuEfeso. Wakalinga muntu ucishi kwaamba alimwi wakalinga kwishi bumbi Malembo akwe Lesa.

Milimo ya Batumwi 19:1

Paciindi ico Apolosi ndyaakalinga kuKolinto, Paulo wakeenda mucishi ca Galatiya aFuligiya akushika muEfeso. Uko, wakacana bashomi bamwi

Bene Loma 15:16

Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa.

1 Bene Kolinto 3:22

Paulo, Apolosi aPita, cishi cino, buumi nabi lufu, shiliiwo asheesho sheshi shikabeeko, shoonse nshanu.

1 Bene Kolinto 16:12

Ono pamukwabesu Apolosi, ndakamusengesha ayi amufwakashishe pantu pomwi abashomi bamwi. Ono taakwe kusumina kwisa bulya bweenka, sombi aakucana ciindi.

2 Bene Kolinto 4:1

Paceebo ceeco tatubooli pesule ceebo tulishi kwaamba ayi Lesa wakatupa mulimo uyu kwiinda munkumbu shakwe.

2 Bene Kolinto 5:18

Wakacita shoonse ishi nguLesa. Kwiinda muli Klistu, Lesa wakalengesha kwaamba ayi tube beshicibusa bakwe alimwi. Bulya watupa mulimo wakunooya bulengesha bantu bamwi ayi babe beshicibusa bakwe abalo.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

1 Timoti 1:12

Ndamulumba Klistu Jesu Mwaami wesu uyo wakampa nkusu, mukwiinga wakayeeya ayi ndashomeka akunsala ayi musebensele.