1 Bene Kolinto 3:17 - Baibo Busansulushi Bwa Libuku Ili

¹⁷ Aboobo na muntu wanyonyoola Ŋanda yakwe Lesa alakwe Lesa ulaakumunyonyoola. Ceebo Ŋanda yakwe Lesa ilisalalite alimwi mwebo ndimwe Ŋanda iyo.

1 Bene Kolinto 3:17 Referans Kwoze

Esekelo 43:12

Musena woonsebo ushingulukite peculu lya kalundu ka Ŋanda yangu ulisalalite kwiindaawo. Uyu ngomulawo wa Ŋanda yangu nebo neLesa.”

Esekelo 7:22

Lyalo ndaakufutatila kashanga bantu abo kwaamba ayi bakabishe Ŋanda yangu iyo njeensunishi. Beepi balaakwinjila muli njiyo akwiibisha.

Esekelo 5:11

“Aboobo nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo ceebo cakwaamba ayi mwakalengesha musena wangu usalalite kutanoosalalite kweelana aMilawo kwiinda mushikoshanyo shanu amicito ilensha bunya, ndaakumunyonyoola cakutamufwitaawo nkumbu.

Shakubelenga 19:20

“Uyo woonse utasalalite kweelana aMilawo na wabula kulisalasha, teshi akanoosalalite ceebo maanshi akusalasha taakwe kusanseelwa pali nguwe. Muntu uyo ingayi wabisha Tente ya Cipangano cangu neMwaami Lesa alimwi teshi akanoociyeeyelwa kuba mulikoto lya bantu bangu.

Kulumbaisha 79:1

NobaLesa, baswamashi batulwana mucishi canu, babisha Ŋanda yanu Isalalite. Banyonyoola ndabala ya Jelusalemu.

Bene Lefi 20:3

Na umwi wabenga mwanaakwe umwi kuli Moleki akulengesha ayi Tente yangu isalalite ibule kunoosalalite alimwi akusebaanya liina lyangu lisalalite, ndaakumwaalukila alimwi teshi nkanoocimuyeeyela kuba mulikoto lya bantu bangu.

Isaya 64:11

Ŋanda yanu isalalite alimwi yabulemu umo bamashali besu mobakalinga kumulumbaishila, yapya kumulilo. Misena yoonse njetwakalinga kusuni yanyonyoolwa.

Bene Lefi 15:31

“Ulyeelete kutalamusha bene Isilaeli kuswa kushintu shilengesha kutanoosalalite kweelana aMilawo kwaamba ayi batakabishi Tente yangu ya Cipangano iyo ili pakati kabo. Na bakeebishe, balaakumana kufwa.”

Kulonga 3:5

Lesa wakamwaambila ayi, “Imikana peenkaapo. Fuula nkwabilo shako mukwiinga pamusena apo mpooimfwi palisalalite.

Matalikilo 28:17

Wakaloonda akwaamba ayi, “Uno musena ulaloondesha abuumbi! Palyeelete kuba mpopaŋanda yakwe Lesa alimwi ngomwinjililo wakuya kwiculu.”

Kulumbaisha 99:9

Aalumbaishikwe Mwaami Lesa, Lesa wesu, atumulambile pakalundu kakwe kasalalite! Mwaami Lesa, Lesa wesu ulisalalite!

Kulumbaisha 93:5

NoBaami baLesa milawo yanu njamuyayaya, Ŋanda yanu ilisalalite calushinisho kwalyoonse alyoonse.

1 Makani 29:3

Ono kwiilika pashintu shoonse nshindaamba, ndabenga silifa agolodi kuswa pabuboni bwangu mukwiinga walusuno ndooncite paŊanda yakwe Lesa, Lesa wangu.

Sefaniya 3:4

Balaluki ba njiyo mbeshikulisumpula, mbantu batashomeki. Bapailishi ba njiyo balabisha musena usalalite Balasebensesha Milawo kwaamba ayi bacane mpindu.

Kulumbaisha 74:3

Amwise mubone matongo aya. Balwani besu banyonyoola Ŋanda yanu. Ncakwiila shoonsebo muŊanda yanu.

1 Bene Kolinto 3:16

Sa tamwishi kwaamba ayi mwebo muli Ŋanda yakwe Lesa alimwi ayi Mushimu wakwe Lesa ulekala muli ndimwe?

1 Bene Kolinto 3:18

Mutalibeeci. Na kuli muntu pakati kanu uyeeya ayi ngumusongo mubwikaalo bwa cishi ca panshi, ulyeelete kuba anga ngumuluya kwaamba ayi abe musongo wancinencine.