1 Bene Kolinto 16:11 - Baibo Busansulushi Bwa Libuku Ili

¹¹ Aboobo kutabi muntu umusuula, sombi mulyeelete kumucafwa kwaamba ayi atolelele mulweendo lwakwe muluumuno akuboola kuli ndime ceebo nebo ntoomulangila pantu pomwi abashominyineesu bamwi.

1 Bene Kolinto 16:11 Referans Kwoze

1 Timoti 4:12

Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.

Milimo ya Batumwi 15:33

Ndibakekalako nsondo shiniini, bashomi bakabalasha ayi beende muluumuno, mpeeke bakaboolela kubaabo bakabatuma. [

Taitasi 2:15

Koiisha shintu ishi alimwi akusebensesha nkusu nshoocite mukuyuminisha akululika baabo bakukutika. Kutabi muntu ukunyanshilisha.

1 Bene Kolinto 16:10

Na Timoti akese uko amukabone kwaamba ayi wabambwa kabotu, ceebo utoocita milimo ya Mwaami Jesu bweenka mbuli ndime.

1 Bene Kolinto 16:6

Ndaakwikalaanu ndabona kwaciindi cilaamfu nabibo mupewo woonse kwaamba ayi mukancafweeko shiyandika mulweendo ndweshi nkanyamuke kuswa kooko. Cito alwalo na lulaakuba lwa kuli.

3 Joni 1:6

Bashomi aba bakalwiita coonde ca kokuno mbuli mbowakabacafwa calusuno. Utoocita kabotu kunoobacafwa munshila isangalasha Lesa kwaamba ayi batolelele mulweendo lwabo.

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

Luka 10:16

Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

Milimo ya Batumwi 15:3

Paceebo ceeco, coonde cakabatuma. Bakeenda muFonisha amuSamaliya kabaya bulwiita bashomi mbuli baswamashi bakunsengwe mbobakashoma muli Lesa. Makani aya akasangalasha bumbi bashomi boonse.

2 Bene Kolinto 1:16

Ndakalinga kuyeeya kumufwakashisha pakuya kuMakedoniya, alimwi pakuboola munkancafwe shiyandika mulweendo lwangu lwakuya kuJudeya.