1 Bene Kolinto 15:54 - Baibo Busansulushi Bwa Libuku Ili

⁵⁴ Ono mubili uyu ubola waakusandulwa kuba utabooli alimwi mubili ufwa waakusandulwa kuba utafwi, lyalo ndyeshi akacitike cancinencine Malembo akwe Lesa aamba ayi, “Lufu lwakomwa.”

1 Bene Kolinto 15:54 Referans Kwoze

Isaya 25:8

Ncakwiila Mwaami Lesa, ee, Mwaami Lesa Shinkusu shoonse ulaakulobya lufu kwamuyayaya! Ulaakukunkumuna minsonshi mumeenso a muntu woonse akumukusha musebaanyo uyo bantu bakwe ngobakalingaawo mucishi. Mwaami Lesa waamba!

Ciyubululo 20:14

Lyalo lufu alimwi amusena wa bafu shakawaalwa mulweenge lwa mulilo. (Lweenge lwa mulilo ulu ndolufu lwabili.)

Ciyubululo 21:4

Ulaakubakunkumuna minsonshi yoonse. Lufu teshi lukabeeko alimwi. Teshi kukabe buumba, kulila nabi kunyumfwa kucisa, mukwiinga shintu shikulukulu shoonse shashimingana.”

Luka 20:36

Ceebo teshi bakafweewo balaakuba anga mbaanjelo. Balaakuba bana bakwe Lesa mukwiinga balaakubushikwa kuswa kubafu.

2 Bene Kolinto 4:11

Mubuumi bwesu boonse tulaboolelabo pakalindi ceebo cakwe Klistu, kwaamba ayi buumi bwakwe buboneke mumibili yesu ifwa.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

2 Bene Tesalonika 1:10

Shoonse ishi shilaakucitika pabushiku bunene bulya aakwisa mukutambulwa cabulemu akulumbaishikwa kubantu bakwe, nkokwaamba ayi abo boonse bashoma. Amwebo mulaakuba mulikoto lyabo ceebo mwakashoma makani ngotwakamulwiita.

Bene Loma 8:11

Na Mushimu wakwe Lesa uyo wakabusha Jesu Klistu kuswa kubafu uli muli ndimwe, anu Lesa eenka uyo wakabusha Klistu kuswa kubafu, ulaakubusha mibili yanu ifwa kwiinda muMushimu wakwe uli muli ndimwe.

Bene Loma 6:12

Paceebo ceeco mutasuminishi bubi kweendelesha mibili yanu iyo ifwa kwaamba ayi mukonkele shiyanda mibili yanu nobeene.

Bene Loma 1:23

Bakacileka kulambila Lesa utafwi, balalambila shibumbwabumbwa shiboneka anga mbantu bafwa nabi bayuni, banyama ba muluundu, ntaale ashintu shimwi sha mushobo uyo.

2 Bene Kolinto 5:4

Nditwikala munkunka iyi tulatongela mumapensho. Teshi kwaamba ayi tulisuni kufuula nkunka iyi, sombi tulisuni kwaamba ayi tufwalikwe ŋanda yesu ya kwiculu iyo kwaamba ayi ico cifwa cisandulwe akuba cabuumi butamaani.